សារព័ត៌មាន នគរវត្ត តែងតែនាំមុខគេជានិច្ច
រដ្ឋមន្ត្រីការបរទេសអាល្លឺម៉ង់ លោក Franck Walter Steinmeier បានប្រកាសថា អាល្លឺម៉ង់ នឹងតប់តវិញ ប្រសិនបើប្រទេសជាសមាជិកណាតូរងការវាយប្រហារ ។
បើទោះបីលោកមិនបានបញ្ជាក់ថា ប្រទេសណានោះ តែការប្រកាសរបស់លោក គឺសម្តៅទៅលើប្រទេសរុស្ស៊ី ដែលកំពុងតែបង្កើតអាវុធនៅតាមព្រំដែនប្រទេសសហាជិកណាតូ។
នៅក្នុងជំនួបពិភាក្សា របស់គណៈកម្មធិការសភាអឺរ៉ុបនៅប្រទេសបារាំង តំណាងរាស្ត្រអង់គ្លេស លោក Mark Pritchard បានដាក់សំនួរសួរថា បើប្រទេសជាសមាជិកណាតូរងការវាយប្រហារ តើអាល្លឺម៉ង់តប់តវិញ ដោយយោធាដែរ ឬទេ តាមមាត្រាទី៥ នៃសន្ធិសញ្ញារបស់ណាតូ?
នៅក្នុងមាត្រាខាងលើ បើប្រទេសជាសមាជិកណាតូណាមួយរងការវាយប្រហារនោះ ប្រទេសណាតូដទៃទៀតត្រូវតែជួយ និងវាយប្រហារទៅលើសត្រូវរបស់ខ្លួន ។
សំណួរខាងលើពិតជារសើបខ្លាំងណាស់ ក្នុងពេលដែលរុស្ស៊ី និងលោកខាងលិច កំពុងតែឈានទៅរកសង្គ្រាមប្រដាប់អាវុធជាទ្រង់ទ្រាយធំ ។
ចំពោះសំណួរខាងលើ លោក Franck Walter Steinmeier ប្រកាសថា ទីក្រុង Berlin នឹងមានសកម្មភាពតប់តវិញ ឲ្យបានស័ក្តិសមបំផុត តាមសន្ធិសញ្ញា រួមរបស់ណាតូ ។
បច្ចុប្បន្ន រដ្ឋមន្ត្រីការបរទេសអាល្លឺម៉ង់ Franck Walter Steinmeier កំពុងតែកាន់តំណែងជាប្រធានសន្តិសុខ និងសហប្រតិបត្តិការអឺរ៉ុប OSCE ។
នៅក្នុងជំនួបពិភាគ្សានោះដែរ លោកបានលើកលើកឡើងពីវិវាទនៅក្នុងប្រទេសអ៊ុយក្រែន ផងដែរ ៕ ម៉ែវ សាធី
