សារព័ត៌មាន នគរវត្ត តែងតែនាំមុខគេជានិច្ច
សារព័ត៌មាន The Information បានរាយការណ៍កាលពីថ្ងៃព្រហស្បតិ៍ដោយដកស្រង់ប្រភពថា OpenAI បានយល់ព្រមបង់ថ្លៃចាប់ផ្តើមដំណើរការបន្ទះឈីប Cerebras ជាង 20 ពាន់លានដុល្លារក្នុងរយៈពេល 3 ឆ្នាំខាងមុខ ដើម្បីប្រើប្រាស់ម៉ាស៊ីនមេដែលដំណើរការដោយបន្ទះឈីបរបស់ក្រុមហ៊ុន ក្រោមកិច្ចព្រមព្រៀងដែលអាចផ្តល់ឱ្យក្រុមហ៊ុនផលិត ChatGPT នូវភាគហ៊ុននៅក្នុងក្រុមហ៊ុននេះផងដែរ ។
កិច្ចព្រមព្រៀងនេះកើតឡើងនៅពេលដែល OpenAI កំពុងព្យាយាមឆ្ពោះទៅមុខក្នុងការប្រណាំងប្រជែងក្នុងវិស័យ AI និងបំពេញតម្រូវការដែលកំពុងកើនឡើង។ កាលពីខែមករា ក្រុមហ៊ុនបានយល់ព្រមទិញសមត្ថភាពកុំព្យូទ័ររហូតដល់ 750 មេហ្គាវ៉ាតើពីក្រុមហ៊ុន Cerebras ក្នុងរយៈពេល 3 ឆ្នាំក្នុងកិច្ចព្រមព្រៀងដែលមានតម្លៃជាង 10 ពាន់លានដុល្លារ។
ការប្តេជ្ញាចិត្តដែលបានរាយការណ៍ដោយ The Information កាលពីថ្ងៃព្រហស្បតិ៍លើសពីកិច្ចព្រមព្រៀងដែលបានរាយការណ៍ពីមុនរបស់ OpenAI ជាមួយក្រុមហ៊ុនផលិតបន្ទះឈីប។
សារព័ត៌មាន រ៉យទ័រមិនអាចផ្ទៀងផ្ទាត់របាយការណ៍ដោយឯករាជ្យបានទេ។ OpenAI មិនបានឆ្លើយតបនឹងសំណើសុំការអត្ថាធិប្បាយក្រៅម៉ោងធ្វើការធម្មតាទេ ខណៈ Cerebras បានបដិសេធមិនធ្វើអត្ថាធិប្បាយ។
ការចំណាយថ្មីនេះ មានទំហំធំជាងកិច្ចព្រមព្រៀងមុន។ កិច្ចព្រមព្រៀងនេះបង្ហាញថា ឧស្សាហកម្មបច្ចេកវិទ្យាកំពុងត្រូវការថាមពលគណនាខ្លាំង ដើម្បីដំណើរការ “inference” ដែលជាដំណើរការដែល AI បង្កើតចម្លើយ។
ក្រុមហ៊ុន Cerebras ដែលមានទីតាំងនៅរដ្ឋ California អាចនឹងបង្ហាញព័ត៌មានបន្ថែមអំពីកិច្ចព្រមព្រៀងនេះឆាប់ៗ។
តាមរបាយការណ៍ OpenAI នឹងទទួលបាន ការធានាដើម្បីកាន់ភាគហ៊ុនតិចតួចនៅក្នុងក្រមហ៊ុន Cerebras ហើយភាគហ៊ុននេះអាចកើនឡើង ប្រសិនបើការចំណាយកើនឡើង។
បន្ថែមពីនេះ OpenAI ក៏បានយល់ព្រមផ្តល់ប្រហែលប្រាកើ 1 ពាន់លាន ដើម្បីជួយផ្តល់មូលនិធិដល់ការអភិវឌ្ឍន៍មជ្ឈមណ្ឌលទិន្នន័យដែលនឹងដំណើរការផលិតផល AI របស់ខ្លួន។
សរុបចំណាយរបស់ OpenAI ក្នុងរយៈពេល 3 ឆ្នាំ អាចឈានដល់ 30 ពាន់លានដុល្លារ ដែលអាចបម្លែងទៅជាការកាន់ភាគហ៊ុនរហូតដល់ 10% ក្នុងក្រុមហ៊ុន Cerebras៕
ដោយ៖ ភារៈ
