🔥ក្នុងមួយថ្ងៃ មានករណីអគ្គិភ័យកើតឡើងចំនួន២លើកនៅក្នុងស្រុកបវេល

ចែករំលែក៖

ខេត្តបាត់ដំបង ៖ រយៈពេលត្រឹមតែ១ថ្ងៃ អគ្គិភ័យដែលគេអះអាងថា បណ្ដាលមកពីការ«ឆ្លងចរន្តអគ្គិសនី»កើត ឡើងចំនួន០២លើកផ្ទូនៗគ្នា ដែលបានលេបយករោងចិញ្ចឹមជ្រូកដ៏ធំ១កន្លែង និងលំនៅឋានប្រជាពលរដ្ឋ១ខ្នង កាលពីថ្ងៃទី០៥ ឧសភា នៅស្រុកបវេល តែពុំមានរបាយការណ៍ស្ដីពីគ្រោះថ្នាក់មនុស្សទេ ។

របាយការណ៍មន្ត្រីជំនាញបានឲ្យដឹងថា រោងចិញ្ចឹមជ្រូកមួយកន្លែងដែលមានទំហំ៥ម៉x១២ម៉ របស់លោក រ៉ាល់ មុនី នៅភូមិកោះរាម ឃុំខ្នាចរមាស ស្រុកបវេល ត្រូវអគ្គិភ័យឆេះអស់ជាងពាក់កណ្ដាល កាលពីវេលាម៉ោង៧ព្រឹកថ្ងៃទី ០៥ ឧសភា ដែលជនរងគ្រោះ និងសមត្ថកិច្ចប្រាប់ថា ដោយសារ«ឆ្លងចរន្តអគ្គិសនី» ។

សមត្ថកិច្ចដែលបានស្រង់ការបំភ្លឺម្ចាស់រោងបានបញ្ជាក់ថា អគ្គិភ័យឆេះរោងទ្រុងជ្រូកខូចខាតអស់ប្រហែល៥០% ម៉ូតូ០១គ្រឿង និងសម្ភារកសិកម្មមួយចំនួន តែពុំមានគ្រោះថ្នាក់ដល់មនុស្ស ឬជ្រូកចិញ្ចឹម ។ ដោយឡែក និយាយពីរថយន្តពន្លត់អគ្គិភ័យរបស់សមត្ថកិច្ចវិញ បានទៅដល់ទាន់ពេលវេលាដែរ តែដោយសារច្រកចេញចូលចង្អៀត មិនអាចចូលដល់ទីតាំងកើតហេតុ ដើម្បីបាញ់ទឹកជួយពន្លត់បានទេ ។ ដូច្នេះ មានតែប្រជាពលរដ្ឋនៅក្បែរខាងទេ ដែលបានជួយអន្តរាគមន៍ផ្ទាល់ ។

ចំណែកករណីទី២ អគ្គិភ័យបានកើតឡើងនៅវេលាម៉ោង៥ល្ងាចថ្ងៃដដែល នៅចំណុចភូមិដង្កោពេន ឃុំព្រៃខ្ពស់ ស្រុកបវេល ។ អគ្គិភ័យលើកទី២នេះ ក៏ត្រូវម្ចាស់ ផ្ទះ និងសមត្ថកិច្ចអះអាងថា បណ្ដាលមកពីការ «ឆ្លងចរន្តអគ្គិសនី»ដែរ ។

លំនៅឋាននេះ ធ្វើពីឈើប្រក់ស័ង្កសី មានទំហំ៧ម៉x៨ម៉ ដែលមានម្ចាស់ឈ្មោះ ប៉ោ គន់ ភេទប្រុស អាយុ៥២ឆ្នាំ រស់នៅចំណុចកើតហេតុ ។ របាយការណ៍មន្ត្រីមូលដ្ឋានបានឲ្យដឹងថា លំនៅឋានដ៏ធំនេះ ត្រូវអគ្គិភ័យឆេះអស់ប្រហែល៨០% ក្រៅពីនេះ មានអង្កចំនួន០១២ការ៉ុង ស្រូវចំនួន១០ការ៉ុង រួមនឹងសម្ភារនៅក្នុងផ្ទះមួយចំនួនទៀត តែពុំបង្កគ្រោះថ្នាក់ដល់មនុស្សទេ ៕

ដោយ៖ សូរិយា

ចែករំលែក៖

សារព័ត៌មាន នគរវត្ត តែងតែនាំមុខគេជានិច្ច

🔥ក្នុងមួយថ្ងៃ មានករណីអគ្គិភ័យកើតឡើងចំនួន២លើកនៅក្នុងស្រុកបវេល

រឿងទាក់ទង

សកម្មភាពសម្តេចតេជោ ហ៊ុន សែន អញ្ជើញបំពេញទស្សនកិច្ចផ្លូវការ នៅរដ្ឋធានីហាវ៉ាណា សាធារណរដ្ឋគុយបា

សម្តេចតេជោ ហ៊ុន សែន អញ្ជើញជួបទីប្រឹក្សាពិសេសរបស់អគ្គលេខាធិការ អង្គការសហប្រជាជាតិ

សហរដ្ឋអាមេរិក និងកម្ពុជា នឹងប្រារព្ធខួបលើកទី៧០ នៃទំនាក់ទំនងផ្នែកការទូត

ទស្សនៈសង្គម ៖ រំលឹក! ក្របីៗស៊ីស្រូវ , ក្រពើៗក្នុងទឹក

ទស្សនៈវិភាគ៖ «ឥរិយាបថថ្មីរបស់ប្រជាពលរដ្ឋ បង្ហាញពីគុណសម្បត្តិដ៏អស្ចារ្យរបស់មេដឹកនាំកម្ពុជា»

ទស្សនល្ងីល្ងើ÷៤រឿងសើចយំនិងកំហឹងល្បីក្នុងបណ្តាញសង្គមហ្វេសប៊ុកក្នុងសប្តាហ៍នេះ

អុីរ៉ង់ស្នើឱ្យ FIFA ធានាកុំឲ្យមានការប្រមាថលើក្រុម IRGC សម្រាប់ការធ្វើដំណើរទៅ World Cup

20ឆ្នាំ ហើយទើបកើតឡើងម្តងសម្រាប់កាំភ្លើងធំឈានដល់វគ្គផ្តាច់ព្រ័ត្រChampions League

សហរដ្ឋអាមេរិកផ្អាកប្រតិបត្តិការនាវាអមដំណើរជាបណ្ដោះអាសន្នឆ្លងកាត់ច្រកសមុទ្រ Hormuz

មន្ត្រីការបរទេសអ៊ីរ៉ង់ បំពេញទស្សនកិច្ចទីក្រុងប៉េកាំង

ចិនជំទាស់នឹងទណ្ឌកម្មថ្មីរបស់សហរដ្ឋអាមេរិកលើប្រទេសគុយបា និងអំពាវនាវឱ្យបញ្ចប់ការហាមឃាត់ពាណិជ្ជកម្ម

វីឡាទោលប្រណិត ១៥មុឺនដុល្លា ក្នុងតំបន់៦អា

វីឡាទោលប្រណិត ១៥មុឺនដុល្លារ ក្នុងតំបន់៦អា

ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ការចុះអនុស្សរណៈក្នុងការបើកលក់អគារខុនដូCEO Business Residence ក្នុងទីផ្សារកម្ពុជា

គម្រោងបុរី Chankiri Palm Creek ជាគំរូនៃការរចនាផ្ទះប្រកបដោយការ “គិតគូរពីតម្រូវការអ្នករស់នៅជាចម្បង”

🔥ក្នុងមួយ​ថ្ងៃ មានករណីអគ្គិភ័យ​កើតឡើង​ចំនួន​២​លើក​នៅ​ក្នុងស្រុក​ប​វេ​ល

រឿងទាក់ទង

🔥ក្នុងមួយថ្ងៃ មានករណីអគ្គិភ័យកើតឡើងចំនួន២លើកនៅក្នុងស្រុកបវេល