សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ដេីរឆ្លងផ្លូវត្រូវម៉ូតូហុងដាឌ្រីមបើកលឿនគេចមិនទាន់ជ្រុលទៅបុកពេញទំហឹងបណ្តាលឲ្យរងរបួសបាក់ភ្លៅម្ខាងត្រូវបានកងសង្គ្រោះ៧១១ កងពលតូចលេខ៧០ដឹកយកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១២និង៥៥នាទីរសៀលថ្ងៃទី២៦ ខែកក្កដា ឆ្នាំ២០២៦ នៅតាមបណ្តោយផ្លូវជាតិលេខ៤ ភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះមានឈ្មោះ យ៉ាន ស្រីណាភេទស្រី អាយុ៥៣ឆ្នាំ រងរបួសបាក់ភ្លៅខាងឆ្វេង មានអាសយដ្ឋាននៅភូមិទ្វារថ្មី ឃុំព្រៃថ្នង ស្រុកទឹកឈូ ខេត្តកំពត។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញស្ត្រីរងគ្រោះដេីរឆ្លងផ្លូវជាតិលេខ៤ក្នុងទិសដៅពីជេីងទៅត្បូង ខណៈដើរជិតផុតទៅហើយស្រាប់តែមានម៉ូតូហុងដាឌ្រីមបេីកបរពីលិចទៅកេីតលឿនពេកមិនប្រយ័ត្នក៏ជ្រុលទៅបុកពេញទំហឹងបណ្តាលឲ្យស្ត្រីរងគ្រោះរងរបួសបាក់ភ្លៅខាងស្តាំ ភ្លាមៗនោះជនបង្កក៏លេីកម៉ូតូជិះគេចខ្លួនបាត់ទៅ។
ក្រោយកេីតហេតុជនរងគ្រោះត្រូវបានកងសង្គ្រោះ៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសមៈ៕
ដោយ៖សុខាសែនជ័យ
