សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យនា៣នាក់ បានជិះម៉ូតូមួយគ្រឿងម៉ាក PCX មិនចាំស្លាកលេខ ប្រដាប់ដោយកាំភ្លើងខ្លីមួយដើមមិនស្គាល់ម៉ាក បានគំរាមភ្ជង់ប្លន់ម៉ូតូម៉ាក ZoomerX ពីនារីម្នាក់បានសំរេច នៅចំណុចផ្លូវលេខ២៤៨កែង១៤៣ សង្កាត់វាលវង់ ខណ្ឌ៧មករា កាលពីវេលាម៉ោង៨និង៣០នាទីយប់ ថ្ងៃទី២៤ ខែវិច្ឆិកា ឆ្នាំ២០១៦ ហើយនសង្ស័យបានគេចខ្លួនបាត់ដោយសុវត្ថិភាព សមត្ថកិច្ចមិនអាចបង្ក្រាប់បាន បានត្រឹមតែហៅជនរងគ្រោះទៅដាក់ពាក្យបណ្តឹង។
ជនរងគ្រោះឈ្មោះវាសនា ភេទស្រីអាយុ២៦ឆ្នាំ ស្នាក់ខាងក្រោយសាលាជាសីុមសាមគ្គី សង្កាត់បឹងសាឡាង ខណ្ឌទួលគោក ជិះម៉ូតូម៉ាកZoomerX ឆ្នាំ២០១៦ពណ៍ស ពាក់ស្លាកលេខ ភ្នំពេញ ១FN-៣៨៣៨ ។
ជនរងគ្រោះបានឲ្យដឹងថា នៅមុនពេលកើតហេតុ រួបគាត់បានជិះម៉ូតូម្នាក់ឯង ធ្វើដំណើរចេញពីផ្ទះនៅក្រោយសាលាជាសីុមសាមគ្គី បំណងមកក្រុមហ៊ុន ដែលនៅជិតកន្លែងកើតហេតុ ខណៈមកដល់ផ្លូវលេខ២៤៨ កែងផ្លូវ១៤៣ ស្រាប់តែលេចមុខជនសង្ស័យ៣នាក់ ជិះម៉ូតូ PCX មួយគ្រឿងមិនចាំស្លាកលេខ ប្រដាប់ដោយកាំភ្លើងខ្លីមួយដើម មិនចាំម៉ាកមកកៀរឲ្យឈប់ហើយដកកាំភ្លើងភ្ជង់គំរាមបាញ់សម្លាប់ រួចយកម៉ូតូិះគេចខ្លួនបាត់ដោយសុវត្ថិភាព។
ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុហើយបាននាំជនរងគ្រោះទៅដាក់ពាក្យបណ្តឹងនៅប៉ុស្តិ៍វាលវង់ ។ គួរបញ្ជាក់ថា នៅក្នុងមូលដ្ឋានទឹកដីខណ្ឌ៧មករា បទល្មើសចោរកម្ម លួច ឆក់ ប្លន់ជាញឹកញាប់ តែមិនដែលឃើញសមត្ថកិច្ចបង្ក្រាបបានម្តងឡើយគឺបានត្រឹមតែនាំជនរងគ្រោះដាក់ពាក្យបណ្តឹងតែប៉ុណ្ណោះ។
ប្រជាពលរដ្ឋអស់ជំនឿទុកចិត្តលើសមត្ថកិច្ចក្នុងការបង្ក្រាបបទល្មើស៕ ជីម ភារ៉ា ដង្កោ
