LA Galaxy តែងតាំងគ្រូបង្វឹកថ្មី និងទិញខ្សែបម្រើ ប្រយុទ្ធ ជើងចាស់ម្នាក់

ក្លិបបាល់ទាត់ LA Galaxy បានប្រកាសតែងតាំងលោក Curt Onalfoជាគ្រូបង្វឹកថ្មីដើម្បីមកជំនួស លោក Bruce Arena ដែលបានចាកចេញទៅដឹកនាំក្រុមជម្រើសជាតិអាមេរិកវិញ។

លោក Curt Onalfoជាអតីតគ្រូបង្វឹកក្រុមបំរុងរបស់ក្លិប LA Galaxy ហើយក៏ត្រូវបានផ្តល់ឱកាស ឲ្យមកដឹកនាំក្រុមឈុតធំវិញ ហើយគាត់ក៏ធ្លាប់ធ្វើជាជំនួយការគ្រូបង្វឹកក្រុមជម្រើសជាតិអាមេរិកផង ដែរ។

លោក Onalfoធ្លាប់ជាកីឡាកររបស់ក្លិប LA Galaxyក្នុងឆ្នាំ១៩៩៦ មុនពេលធ្វើជាគ្រូបង្វឹករបស់ ក្រុម Sporting Kansas City និង DC United។ គ្រូបង្វឹកវ័យ៤៧ឆ្នាំនេះបាននិយាយថា “ខ្ញុំរំភើបនិងមាន កិត្តិយសខ្លាំងណាស់ដែលបានក្លាយទៅជាគ្រូបង្វឹកក្រុមLA Galaxy។ ក្នុងកំឡុងពេលជាកីឡាករ និងគ្រូបង្វឹកនៅក្នុងក្លិបនេះ ខ្ញុំដឹងថាLA Galaxyជាក្លិបដ៏អស្ចារ្យបំផុតនៅសហរដ្ឋអាមេរិក ហើយខ្ញុំអន្ទះ សារចង់ដឹកនាំក្រុមនេះឲ្យរីកចំរើនទៅមុខ។”

នៅថ្ងៃប្រកាសគ្រូបង្វឹកថ្មីនោះ ក្លិប LA Galaxyក៏បានសម្រេចចិត្តចុះហត្ថលេខាទិញខ្សែបំរើ ជើងចាស់វ័យ៣៥របស់សហរដ្ឋអាមេរិក Jermaine Jonesពីក្លិប Colorado Rapidsផងដែរ ៕