Carlos Tevez លាស្រុកកំណើតសាជាថ្មីទៅកើបលុយនៅចិន

ខ្សែប្រយុទ្ធអាហ្សង់ទីន Carlos Tevezនឹងចាកចេញពីស្រុកកំណើតរបស់ខ្លួនសារជាថ្មីម្តងទៀតដើម្បីចុះហត្ថលេខាទៅលេងឲ្យក្លិប Shanghai Shenhuaនៅក្នុងក្របខណ្ឌ័កំពូលរបស់ចិន។

បើទោះបីជាមានការអង្វរពីសំណាក់អ្នកគាំទ្ររបស់ក្លិប Boca Juniors ឲ្យបន្តនៅក៏ដោយក៏ខ្សែប្រយុទ្ធវ័យ៣២ឆ្នាំ មិនអាចទប់ចិត្តបានឡើយ ដោយក្លិបនៅក្នុងប្រទេសចិនហានផ្តល់ថ្លៃឈ្នួលរហូតដល់ទៅ 615,000 ផោនក្នុងមួយសប្តាហ៏។

អតីតកីឡាកររបស់ក្លិប West Ham, Manchester United និងManchester Cityបានយកឱកាសលាអ្នកគាំទ្ររបស់ខ្លួនក្រោយពេលក្រុម Boca Juniors សំពងក្រុម Colon ដោយលទ្ធផល4-1។

ប្រសិនបើកិច្ចព្រមព្រៀងកើតឡើងមែននោះ Carlos Tevezនឹងឈរ ជាកីឡាករដែលមានថ្លៃឈ្នួលច្រើនជាងគេបំផុតរបស់ពិភពលោក។ ខាងក្រោមនេះគឺជាតារាងថ្លៃឈ្នួលរបស់កីឡាករកំពូលទាំង១០របស់ពិភព លោក។

1) Carlos Tevez (Shanghai Shenhua) £615,000 ផោនក្នុងសប្តាហ៍ £31.98លានផោនក្នុងមួយឆ្នាំ។

2) Oscar (Shanghai SIPG) £400,000 ផោនក្នុងសប្តាហ៍ £20.8លានផោនក្នុងមួយឆ្នាំ។

3) Cristiano Ronaldo (Real Madrid) £365,000 ផោនក្នុងសប្តាហ៍ £19លានផោនក្នុងមួយឆ្នាំ។

3) Lionel Messi (Barcelona) £365,000 ផោនក្នុងសប្តាហ៍ £19m លានផោនក្នុងមួយឆ្នាំ។

5) Gareth Bale (Real Madrid) £346,000 ផោនក្នុងសប្តាហ៍ £18លានផោនក្នុងមួយឆ្នាំ។

6) Hulk (Shanghai SIPG) £317,000 ផោនក្នុងសប្តាហ៍ £16.5លានផោនក្នុងមួយឆ្នាំ។

7) Paul Pogba (Manchester United) £290,000 ផោនក្នុងសប្តាហ៍ £15លានផោនក្នុងមួយឆ្នាំ។

8) Neymar (Barcelona) £289,000 ផោនក្នុងសប្តាហ៍ £15លានផោនក្នុងមួយឆ្នាំ។

9) Graziano Pelle (Shandong Luneng) £260,000 ផោនក្នុងសប្តាហ៍ £13.5លានផោនក្នុងមួយឆ្នាំ។

9) Wayne Rooney (Manchester United) £260,000 ផោនក្នុងសប្តាហ៍ £13.5លានផោនក្នុងមួយឆ្នាំ៕