ជំនួយការគ្រូបង្វឹកក្រុមតោខៀវត្រូវបានតែងតាំងជាជំនួយការក្រុមជម្រើសជាតិអង់គ្លេស

លោក Steve Hollandបច្ចុប្បន្នជាជំមួយការគ្រូបង្វឹកក្រុមតោខៀវChelseaត្រូវបានតែងតាំងជាជំនួយការអ្នកចាត់ការទូទៅក្រុមជម្រើសជាតិអង់គ្លេសវិញ។

លោក Southgate អ្នកចាត់ការទូទៅក្រុមជម្រើសជាតិអង់គ្លេស បានថ្លែងថា “ខ្ញុំពិតជាសប្បាយ ចិត្តដែលបានលោកSteve Hollandមកធ្វើជាជំនួយការរបស់ខ្ញុំ។ ខ្ញុំសូមអរគុណដល់ក្រុមតោខៀវChelsea ដែលបានអនុញ្ញាតិឲ្យSteve Hollandមកចូលរួមជាមួយខ្ញុំទៀត។ ពួកយើងធ្លាប់បានធ្វើការជាមួយគ្នា អស់រយះពេល៣ឆ្នាំមកហើយ” ។

លោកSteve Hollandដែលមានវ័យ៤៦ឆ្នាំធ្លាប់ធ្វើជាជំនួយការរបស់លោក Southgateកាលពី គាត់នៅដឹកនាំក្រុមជម្រើសជាតិអង់គ្លេសអាយុក្រោម២១ឆ្នាំ ៕