សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មនុស្ស២នាក់បានរងរបួសធ្ងន់ បន្ទាប់ពីហេតុការណ៍គ្រោះថ្នាក់ចរាចរណ៍រថយន្តបើកបុកម៉ូតូ ។
របាយការណ៍សមត្ថកិច្ចបញ្ជាកក់ថា នៅវេលាម៉ោង៥និង៤០នាទីល្ងាច ថ្ងៃទី២៥ ខែមករា ឆ្នាំ២០១៧ មានករណីគ្រោះថ្នាក់ចរាចរណ៍មួយកើតឡើងលើដងផ្លូវជាតិលេខ៤ចន្លោះគីឡូម៉ែត្រ១៨៦-១៨៧ស្ថិតក្នុងភូមិអណ្តូង ឃុំអណ្តូងថ្មស្រុកព្រៃនប់ខេត្តព្រះសីហនុ រវាងរថយន្តមួយគ្រឿងម៉ាក HIGHLANDER ពណ៌ទឹកមាស ពាក់ស្លាកលេខ ភ្នំពេញ 2AK 7584 ទិសដៅពីត្បូង ទៅ ជើង បើកបរដោយឈ្មោះ តាន់ សុវណ្ណរាជ ភេទប្រុសអាយុ30ឆ្នាំ មានទីលំនៅសង្កាត់មនោរម្យ ខណ្ឌ7មករា រាជធានីភ្នំពេញ។
ប្រភពបន្តថា លុះរថយន្តមកដល់ចំណុចកើតហេតុខាងលើ បានបុកម៉ូតូមួយគ្រឿងម៉ាកវ៉េវ ពណ៌ត្នោតចាស់ គ្មានស្លាកលេខ ទិសដៅផ្ទុយគ្នា (ម៉ូតូ វ៉ាម៉ូតូរ៉ឺម៉កមួយគ្រឿងផ្សេងទៀត)បណ្តាលឲ្យអ្នកបើកបរម៉ូតូឈ្មោះ អ៊ុក នី ភេទប្រុស អាយុ18ឆ្នាំ មុខរបរកសិករ ទីលំនៅភូមិបែកក្រង់ ឃុំព្រៃនប់ ខេត្តព្រះសីហនុ រងរបួសធ្ងន់ និង អ្នករួមដំណើរពីក្រោយម៉ូតូ ឈ្មោះអ៊ុក ហួឡាវី ភេទប្រុស អាយុ15ឆ្នាំ (ត្រូវជាបងប្អូនបង្កើត)រងរបួសធ្ងន់ បញ្ជូនទៅព្យាបាលនៅគ្លីនិកឯកជនវាលរេញ ។ រីឯអ្នកបើកបររថយន្តត្រូវបានកំលាំងនគរបាលប៉ុស្តិ៍អណ្តូងថ្មឃាត់ខ្លួន ៕ ឆ្លាម សមុទ្រ
