តោខៀវបន្តនាំមុខកំពូលតារាងក្រោយស្មើហង្សក្រហម ខណៈកាំភ្លើងធំបរាជ័យក្នុងទឹកដីខ្លួន

ក្រុមខ្លាំង២ជួបគ្នាគឺហង្សក្រហម Liverpool និងតោខៀវ Chelsea ក្នុងការប្រកួតបាល់ទាត់អង់គ្លេស Premier League កាលពីថ្ងៃទី៣១ ខែមករា ឆ្នាំ២០១៧ បានបញ្ចប់ដោយលទ្ធផល 1-1 ដែលធ្វើឲ្យក្រុមតោខៀវបន្តនាំមុខកំពូលតារាងទៀត។

នៅក្នុងការប្រកួតនោះក្រុមភ្ញៀវChelseaមានឱកាសនាំមុខមុនដោយការស៊ុតបាល់ហ្រ្វីឃីតបញ្ចូលទីពីសំណាក់ខ្សែការពារសញ្ជាតិប្រេស៊ីល David Luiz ខណៈដែលអ្នកចាំទីMignoletរបស់ហង្សក្រហមមិនបានប្រុងប្រយ័ត្នហើយគិតថាគ្រាប់បាល់នោះ នឹងមិនត្រូវបានទទួលស្គាល់ តែអាជ្ញាកណ្តាលលោក Mark Clattenburg បានផ្តល់គ្រាប់បាល់នេះឲ្យទៅក្រុមតោខៀវ ។

ការប្រកួតឈានចូលតង់ទី២ក្រុមម្ចាស់ផ្ទះហង្សក្រហមមានឱកាសតាមស្មើវិញដោយការ តែតបាល់បញ្ចូលទីរបស់កីឡាករGeorginio Wijnaldumពីការបញ្ចូនបាល់របស់James Milnerនៅនាទី ទី៥៧។ ចំណែកនៅនាទីទី៧៦ ខ្សែប្រយុទ្ធសញ្ជាតិអេស្ប៉ាញ Diego Costa មានឱកាសស៊ុតបាល់ពិន័យ១១ម៉ែត្រ តែអ្នកចាំទីរបស់ហង្សក្រហមបានក្លាយទៅជាវីរបុរសជួយ រារាំងមិនឲ្យគ្រាប់បាល់ចូលទីហើយលទ្ធផលចុងក្រោយក្រុមទាំង២ទទួលបាន១ពិន្ទុម្នាក់ ។

ចំណែកនៅក្នុងកីឡដ្ឋានEmiratesទឹកដីរបស់កាំភ្លើងធំវិញ ក្រុមរបស់លោកគ្រូបង្វឹកArsene Wengerបានរងភាពអាម៉ាស់ដោយប្រកួតចាញ់ក្រុមភ្ញៀវWatfordដោយលទ្ធផល 2-1។ ខ្សែការពារ Y. Kaboul និងខ្សែប្រយុទ្ធ T. Deeney អាចរកគ្រាប់បាល់បានយ៉ាងរហ័សឲ្យWatfordនាំមុខក្រុមម្ចាស់ផ្ទះ ២គ្រាប់មុននៅក្នុងនាទីទី១០និងនាទីទី១៣។

ខ្សែបម្រើវ័យក្មេងសញ្ជាតិនីហ្សេរីយ៉ា Alex Iwobi បានជួយក្រុមកាំភ្លើងធំតាម បានតែមួយគ្រាប់វិញ ប៉ុណ្ណោះនៅនាទី៥៨។ ក្រោយចប់ការប្រកួតក្រុមArsenalឈរលេខរៀងទី៣មាន៤៧ពិន្ទុស្មើក្រុមលេខ២ Tottenham Hotspur។

ខាងក្រោមនេះគឺជាលទ្ធផលនៃការប្រកួតបាល់ទាត់កាលពីថ្ងៃទី៣១ ខែមករា ឆ្នាំ២០១៧