សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ យុវជនម្នាក់បានស្លាប់ភ្លាមៗ នៅនឹងកន្លែងកើតហេតុ នៅក្នុងករណីគ្រោះថ្នាក់ចរាចរណ៍មួយដែលបង្កឡើងដោយសារម៉ូតូនិងម៉ូតូពីរគ្រឿងបុកគ្នាពេញមួយទំហឹង ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២និង៤០នាទីរសៀល ថ្ងៃទី៥ ខែកុម្ភៈ ២០១៧ នៅចំណុចគោកលាវ ក្នុងភូមិចំបក់កន្រ្ទាញ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង ។
សមត្ថកិច្ចបានអោយដឹងថា នៅមុនពេលកើតហេតុ មានម៉ូតូម៉ាកហុងដាមួយសេ១២៥មួយគ្រឿង ពណ៍ខ្មៅ គ្មានផ្លាកលេខ បើកចេញពីទិសខាងលិច ទៅកើត នៅពេលបើកដល់ចំណុចខាងលើ បានបុកគ្នាជាមួយម៉ូតូម៉ាកវ៉េវ ពណ៍ខ្មៅ ពាក់ផ្លាកលេខកំពង់ឆ្នាំង ១B៩០៨៧បើកចេញពីទិសខាងលិច បណ្តាលអោយអ្នកបើកបរម៉ូតូម៉ាកវេវ ឈ្មោះ យី យ៉េន ភេទប្រុស អាយុ២៨ឆ្នាំ រស់នៅភូមិសូភី ឃុំជើងគ្រាវ ស្រុករលាប្អៀរ បានស្លាប់នៅនិងកន្លែងកើតហេតុ ចំណែឯអ្នកបើកបរម៉ូតូសេ១២៥ ឈ្មោះ ខុន ចន្នី ភេទប្រុស អាយុ២៦ឆ្នាំ រស់នៅភូមិ ខ្នាជ្រៃកោង ឃុំខ្នាឆ្មារស្រុកសាមគ្គីមានជ័យ របួសធ្ងន់ ត្រូវបានដឹកមកសង្រ្គោះព្យាបាលនៅពេទ្យខេត្ត រីឯមធ្យោបាយបង្ករត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកទឹកផុស ៕ ចន្ថា
