សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង២និង ៣០នាទីរសៀល ថ្ងៃទី១៥ ខែមីនា ឆ្នាំ២០១៧ កម្លាំងជំនាញមន្ទីរយុត្តិធម៌ចំនួន ៦នាក់ ដឹកនាំដោយលោកវរសេនីយិ៍ទោ ឆេង វុទ្ធី ប្រធានមន្ទីរយុត្តិធម៌ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីលួច(មានស្ថានទម្ងន់ទោស) ដែលបានប្រព្រឹត្ត នៅចំណុចក្រុម១៤ ភូមិ២ សង្កាត់៤ ក្រុង ខេត្តព្រះសីហនុ ។
លោកវរសេនីយ៍ទោ ឆេង វុទ្ធី បានបញ្ជាក់ឲ្យដឹងថា ជនសង្ស័យ ដែលសមត្ថកិច្ចកងរាជអាវុធហត្ថឃាត់ខ្លួននៅពេលវេលាខាងលើទ ១.ឈ្មោះ ខៀវ ភារម្យ ភេទប្រុស អាយុ២៨ឆ្នាំ មុខរបរមិនពិតប្រាកដ ទីលំនៅបច្ចុប្បន្នមិនពិតប្រាកដ ២. ឈ្មោះ ធឿន មករា ភេទប្រុស អាយុ៣០ឆ្នាំ មុខរបរមិនពិតប្រាកដ ទីលំនៅបច្ចុប្បន្ន មិនពិតប្រាកដ ។
លោកវរសេនីយ៍ទោបានបញ្ជាក់ឲ្យដឹងថា ការឃាត់ខ្លួនជនសង្ស័យទាំងពីរនាក់ខាងលើដោយ យោងតាមពាក្យបណ្តឹងរបស់ជនរងគ្រោះឈ្មោះ មួយ ទាវ ភេទស្រី អាយុ ៥៨ឆ្នាំ មុខរបរអាជីវករលក់ដូរ មានទីលំនៅក្រុម១៤ភូមិ២ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
វត្ថុតាងដកហូតបានមានធុងហ្គាសចំនួន 5 កន្ទុយម៉ា ស៊ីនត្រជាក់ចំនួន១ កន្ត្រៃកាត់ដែកចំនួន១ និងកូនសោរមួយចំនួនទៀត ។
បច្ចុប្បន្នជនសង្ស័យទាំង២នាក់ខាងលើ និងវត្ថុតាងត្រូវបានកំលាំងជំនាញមន្ទីរស្រាវជ្រាវ យុត្តិធម៌ នៃទីបញ្ជាការកងរាជអាវុធហត្ថខេត្តព្រះសីហនុ កំពុងសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្តព្រះសីហនុ តាមនីតិវិធី ៕ ឆ្លាម សមុទ្រ
