សារព័ត៌មាន នគរវត្ត តែងតែនាំមុខគេជានិច្ច
លោក Antonio Conte គ្រូបង្វឹករបស់ក្រុមតោខៀវChelseaបានបង្ហើបប្រាប់ថា គាត់ចង់នៅដឹកនាំក្រុមរបស់អង់គ្លេសនេះជាច្រើនឆ្នាំទៀត ខណៈដែលក្នុងរដូវកាលដំបូងនេះគាត់អាចនឹងឈ្នះជើងឯក។
ក្រុមតោខៀវកំពុងតែឈរកំពូលតារាងលើក្រុមលេខ២ Tottenham ចំនួន៤ពិន្ទុ បន្ទាប់ពីពួកគេប្រកួតចាញ់ក្រុមបិសាចក្រហម Manchester Unitedដោយលទ្ធផល 2-0។
អតីតគ្រូបង្វឹកក្រុមសេះបង្កង់ Juventus រូបនេះបានចុះហត្ថលេខាដឹកនាំ ក្រុមChelseaរយៈពេល៣ឆ្នាំ កាលពីខែមេសាឆ្នាំមុន ហើយប្រសិនបើក្រុមគាត់លេងបានល្អគាត់នឹងទទួលបានកុងត្រាបន្ត១២ខែទៀត។
ចំណែកក្រុម Inter Milan នៅក្នុងប្រទេសអ៊ីតាលីកំពុងតែបង្ហាញពី មហិច្ចតារបស់ខ្លួនចង់នាំយក លោក Antonio Conteទៅកាន់ស្រុកកំណើតរបស់គាត់វិញ។ ប៉ុន្តែគ្រូបង្វឹកវ័យ៤៧ឆ្នាំនេះ បានបញ្ជាក់ថា គាត់សង្ឃឹមថានឹងនៅដឹកនាំក្រុមរបស់លោកមហាសេដ្ឋីរុស្ស៊ី Roman Abramovic ក្នុងប្រទេសអង់គ្លេសជាច្រើនឆ្នាំទៀត។
លោកConte បានថ្លែងប្រាប់សារព័ត៌មាន Sky Sports ថា “ខ្ញុំសង្ឃឹមថានឹងនៅទីនេះរយៈពេលយូរ។ យើងដឹងហើយថាការងារជាគ្រូបង្វឹកមិនមែនងាយស្រួលទេវាទាមទារឲ្យ មានលទ្ធផលសម្រាប់ក្រុម ៕ ដេវីត
