សម្ដេចតេជោ ហ៊ុន សែន អញ្ជើញជួបលោកប្រធានាធិបតីហ្វីលីពីន

ហ្វីលីពីន៖ នៅរសៀលថ្ងៃទី ២៩ ខែមេសានោះដែរ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជួបពិភាក្សាការងារជាមួយ លោកប្រធានាធិបតីហ្វីលីពីន Rodrigo Duterte។ នៅក្នុងជំនួបប្រជុំទ្វេភាគីថ្ងៃនេះ ប្រមុខដឹកនាំនៃប្រទេសទាំងពីរ បានពិភាក្សាគ្នា ដើម្បីពង្រឹងនូវចំណងមិត្តភាព និងកិច្ចសហប្រតិបត្តិការ ជាពិសសេសក្នុងការជំរុញនូវការវិនិយោគ និង ពាណិជ្ជកម្ម ដែលនាំមកនូវផលប្រយោជន៍ដល់ប្រជាជាតិនៃប្រទេសទាំងពីរ។

ទន្ទឹមនឹងនេះដែរ សម្តេចតេជោនាយករដ្ឋមន្រ្តី រីករាយនឹងរង់ចាំស្វាគមន៍លោកប្រធានាធិបតីហ្វីលីពីន នៅក្នុងវេទិកា សេដ្ឋកិច្ចពិភពលោក (World Economic Forum on ASEAN- WEF) ដែលនឹងប្រព្រឹត្តិ ទៅនៅថ្ងៃទី ១០-១២ ខែ ឧសភា ឆ្នាំ ២០១៧ ខាងនេះនៅក្នុងប្រទេសកម្ពុជា៕

ប្រភព៖ ហ្វេសប៊ុកសម្តេចតេជោ