សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារី២នាក់បាមជិះម៉ូតូឌុបគ្នា ធ្វើដំណើរតាមដងផ្លូវ ត្រូវជនសង្ស័យមានគ្នា២នាក់ ជិះម៉ូតូសីុរ៉ូស១គ្រឿង មកធ្វើសកម្មភាពឆក់កាបូបបានសម្រេច ហើយគេចខ្លួនបាត់ដោយសុវត្ថិភាព ។
ហេតុការណ៍នេះកើតឡើងកាលពីវេលាម៉ោង១២និង២០នាទី ថ្ងៃទី៣១ ខែឧសភា ឆ្នាំ២០១៧ នៅចំណុចមុខខាងកើតវត្តអង្គតាមិញ ផ្លូវបេតុង ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចឲ្យដឹងថា ជនរងគ្រោះ ឈៀង រដ្ឋា ភេទស្រី អាយុ២៣ឆ្នាំ មុខរបរធ្វើការក្រុមហ៊ុន ស្នាក់នៅបន្ទប់ជួល ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ ។
រងគ្រោះនិយាយថា នៅមុនពេលកើតហេតុរូជិះម៉ូតូម៉ាកឃ្លីក ពណ៌សលាយក្រហម ពាក់ស្លាក់លេខ ភ្នំពេញ 1 AP 6391 ធ្វើដំណើរតាមបណ្តោយផ្លូវបេតុង ក្នុងទិសពីជើងត្បូងទៅជើង ខណៈមកដល់ចំណុចកើតហេតុ មានជនសង្ស័យ២នាក់ជិះម៉ូតូម៉ាកសីុរ៉ូស គ្មានស្លាកលេខ មកពីក្រោយហើយបានធ្វើសកម្មភាពឆក់កាបូបនារីដែលអង្គុយពីក្រោយ ហើយគេចខ្លួនបាត់ ។
សម្ភារដែលបាត់បង់នោះមានអត្តសញ្ញាណប័ណ្ណ លុយចំនួន៦០ដុល្លារ ។
ក្រោយពលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅដើម្បីងាយស្រួលសមត្ថកិច្ចស្រាវជ្រាវ ៕ សុខាសែនជ័យ
