សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ៣នាក់ត្រូវបានកម្លាំងកងរាជអាវុធហត្ថខណ្ឌសែនសុខឃាត់ខ្លួនបាន២នាក់ ពាក់ ព័ន្ធពួកគេចូលលួចកាត់យកម៉ាស៊ីនត្រជាក់ កាលពីវេលាម៉ោងរំលងអធ្រាត្រ ថ្ងៃទី២៦ ខែមិថុនា ឆ្នាំ២០១៧ នៅចំណុចដីឡូត៍ ស្ថិតក្នុងភូមិទ្រុងមាន់ សង្កាត់ទឹកថ្លា ខណ្ឌសែនសុខ ។
សមត្ថកិច្ចអះអាងថា ជនសង្ស័យទាំង៣នាក់មានឈ្មោះ
១-ឈ្មោះណាន ភេទប្រុស (រត់រួច)
២-ឈ្មោះ ស៊ុំ សុ ភក្រ័្ត ភេទប្រុស អាយុ២៥ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិប៉ប្រក់ខាងជើង សង្កាត់កាកាបខណ្ឌពោធិសែនជ័យ
៣-ឈ្មោះ សៅ ជីវ៉ា ហៅអាឡេវ ភេទប្រុសអាយុ១៩ឆ្នាំ មុខរបរមិនពិតប្រាកដស្នាក់នៅម្តុំត្រឡោកបែកខណ្ឌទួលគោក។
ក្នុងការឃាត់ខ្លួននោះ សមត្ថកិច្ចដកហូតបានម៉ូតូ១គ្រឿងម៉ាកស្គូពី ពណ៌ស ស៊េរីឆ្នាំ២០១១ ពាក់ស្លាកលេខ1G-0358 នឹងកន្រ្តៃកាត់ដែក១ ។
មុនពេលកើតហេតុ កម្លាំងកងរាជអាវុធហត្ថខណ្ឌបានជិះល្បាតភូមិសាស្រ្តមកដល់ចំណុចកើតហេតុ ក៏ប្រទះឃើញជនសង្ស័យមួយក្រុមមានគ្នា៣នាក់ កំពុងធ្វើសកម្មភាពលួចកាត់ម៉ាស៊ីនត្រជាក់ ក៏ឃាត់ខ្លួនបាន២នាក់ យកមកសាកសួរបន្តនៅកងរាជអាវុធហត្ថខណ្ឌសែនសុខ និងបន្តឃាត់ខ្លួនជនសង្ស័យម្នាក់ទៀត ៕ តុង សីហា
