សារព័ត៌មាន នគរវត្ត តែងតែនាំមុខគេជានិច្ច
តាមបណ្តាញសង្គមហ្វេសប៊ុក កីឡាករ Mesut Özil របស់ក្រុមកាំភ្លើងធំ Arsenal កំពុងកាន់កាប់តំណែងជាកីឡាករនៅអង់គ្លេស Premier League មានចំនួនអ្នកចូលចិត្ត( Like)ច្រើនជាងគេលើហ្វេសប៊ុកផ្ទាល់ខ្លួន។
កីឡាករអាល្លឺម៉ង់វ័យ២៨ឆ្នាំរូបនេះមានចំនួន Like ជាង៣១លានលើផេកហ្វេសប៊ុក ស្របពេលលេខ២បានទៅកីឡាករខ្សែការពារ David Luiz សមាជិកក្រុមតោខៀវ Chelsea មានជាង២៦លាន Like ឯខ្សែប្រយុទ្ធសញ្ជាតិអង់គ្លេស Rooney ដែលទើបផ្ទេរទៅក្លិបចាស់ Evertonមានជាង២៥លាន Like។ ជាមួយគ្នានោះចំណាត់លេខ៤ និងលេខបានទៅលើខ្សែប្រយុទ្ធសញ្ជាតិអាហ្សង់ទីន Aguero របស់ក្លិប Man City និងខ្សែបម្រើសញ្ជាតិបារាំង Pogba របស់ក្លិបបិសាចក្រហម។
ដោយឡែកផេកហ្វេសប៊ុកក្លិបនៅអង់គ្លេស Premier League វិញក្លិបបិសាចក្រហម Manchester United កំពុងឈរលេខ១មានចំនួន Like ប្រមាណ៧៣,៨លាន តាមពីក្រោយដោយក្លិបតោខៀវ Chelsea មាន៤៨,១លាន Like ក្លិបកាំភ្លើងធំArsenal មាន៣៨,១លាន, ហង្សក្រហម Liverpoolមាន៣១,១លាន និងមេឃខៀវ Man City មាន២៥,៥លាន ៕ ដេវីត
