សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅថ្ងៃទី៣១ ខែកក្កដា ឆ្នាំ២០១៧ វេលាម៉ោង២១និង៤៥នាទី លើផ្លូវជាតិលេខ៤ ចន្លោះគីឡូម៉ែត្រ ២១៥ – ២១៦ នៅចំណោទអូរត្រាវ ស្ថិតនៅក្នុងភូមិ១ សង្កាត់លេខ១ ក្រុង/ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាង រថយន្ត១គ្រឿងម៉ាក HIGHLANDER ពណ៌ ទឹកប្រាក់ ពាក់ស្លាកលេខ ភ្នំពេញ 2AM-0689 បើកបរដោយឈ្មោះ CHAU LUNG ភេទ ប្រុស អាយុ ២៤ឆ្នាំ ជនជាតិ ចិន មានប័ណ្ណបើកបរខ្មែរ លេខB327906 មានសុពលភាពឆ្នាំ២០២៦ (មានកំរិតជាតិអាល់កុល០,៦៨ml/L) មានទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើបុកនឹងម៉ូតូ១គ្រឿងម៉ាក HONDA C១២៥ ពណ៌ ខ្មៅ គ្មានផ្លាកលេខ បើកបរដោយឈ្មោះ ពាង បូ ភេទប្រុស អាយុ ២៥ឆ្នាំ មានអ្នករួមដំណើរម្នាក់ឈ្មោះ ពាង រ៉ូ ភេទប្រុស អាយុ ១៨ ឆ្នាំ អ្នកទាំងពីរមានមុខរបរ កម្មកររោងចក្រតំបន់ សេដ្ឋកិច្ចពិសេស ឃុំបិតត្រាំង ស្នាក់នៅក្នុងភូមិ១ សង្កាត់លេខ១ ក្រុង/ខេត្តព្រះសីហនុ មានទិសដៅបញ្រ្ចាស់គ្នា ។
គ្រោះថ្នាក់នេះបណ្ដាលឲ្យរងរបួសធ្ងន់ ចំនួន២នាក់អ្នកបើកម៉ូតូ និង អ្នករួមដំណើរ បានសម្រាកព្យាបាលនៅគ្លីនិកមិត្តភាព ៨៨៨ ។
អ្នកបើករថយន្តបាននាំខ្លួនមកសាកសួរនៅការិយាល័យនគរបាលចរាចរណ៍ផ្លូវគោក។
មធ្យោបាយទាំងសងខាង បានយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីដោះស្រាយបន្ត ៕ ឆ្លាម សមុទ្រ
