សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ រ៉ឺម៉កម៉ូតូបើកចៀសគោក្រឡាប់ផ្ងារជើង បណ្តាលឲ្យពីរនាក់ម្តាយ និងកូនខ្ទាតចេញពីរ៉ឺម៉កបោកទៅលើថ្នល់បណ្តាលឲ្យ រងរបួសធ្ងន់សន្លប់នៅនឹងកន្លែង។
ករណីគ្រោះថ្នាក់ចរាចរណ៍នេះបានកើតឡើង នៅវេលាម៉ោង៧និង៣០នាទីព្រឹក ថ្ងៃទី៤ ខែសីហា ឆ្នាំ២០១៧ នៅលើកំណាត់ផ្លូវជាតិលេខ១ ស្ថិតនៅភូមិសម្ភ័រ ឃុំរមាំងថ្កោល ស្រុកស្វាយទាប។
ប្រភពពីប្រជាពលរដ្ឋបានឲ្យដឹងថា មុនពេលកើតហេតុ គេឃើញមានរ៉ឺម៉កម៉ូតូដឹកបន្លែមួយគ្រឿង បើកបរពីទឹសខាងកើតទៅទឹសខាងលិច លុះមកដល់កន្លែងកើតហេតុខាងលើ វ៉ាក់អឺនិងសត្វគោដើរឆ្លងផ្លូវ ជាន់ហ្រ្វាំងមិនទាន់ ក៏បើកគៀរហ្វូងគោតាមបន្តោយផ្លូវជាង១០ម៉ែត្រ បណ្តាលឲ្យ រ៉ឺម៉កក្រឡាប់ពីបីត្រឡប់ខ្ទាតអឺវ៉ាន់និងស្រ្តីជាម្តាយចេញពីររ៉ឺម៉កបោកក្បាលទៅលើថ្នល់បែកក្បាលរបួសធ្ងន់ធ្ងរឈាមហូតាមត្រចៀក សន្លប់នៅនិងកន្លែង រីឯម៉ូតូរ៉ឺម៉កជ្រុលទៅបុកខ្ទប់និងដើមប្រេងខ្យល់បណ្តាលឲ្យអ្នកបើកបរ រ៉ឺម៉ករងរបួសជើងធ្ងន់ធ្ងរ។
ក្រោយពេលកើតហេតុសមត្ថកិច្ចបានហៅរថយន្តសង្គ្រោះដឹក បញ្ចូនទៅមន្ទីពេទ្យបង្អែកស្រុកស្វាយទាបដើម្បីជួយសង្គ្រោះ។
បើតាមសមត្ថកិច្ចបានឲ្យដឹងថាជនរងគ្រោះមានឈ្មោះតូច ស៊ាន ភេទស្រីអាយុ៥១ឆ្នាំរស់នៅភូមិជប់ឃុំកណ្តៀងរាយ ស្រុកស្វាយទាបរបួសធ្ងន់ រីឯ កូនរបួសស្រាល។ ចំណែក ម៉ូតូម៉ាកហុងដាសេ១២៥សារីឆ្នាំ2011ពណ៏ខ្មៅពាក់ស្លាកលេខស្វាយរៀង1D 2638 រងកាខូចខាតយ៉ាងដំណំ រីឯរ៉ឺម៉កនិងសម្ភារ:នៅលើរ៉ឺម៉កនេះ ខូចខាតមួយចំនួនត្រូវបងប្អូនយកទៅផ្ទះនិង ជួសជុលដោយខ្លួនឯង៕ យឹម សុថាន
