សារព័ត៌មាន នគរវត្ត តែងតែនាំមុខគេជានិច្ច
ចិនជាប្រទេសដែលមានបច្ចេកវិទ្យា អាវុធទាន់សម័យមិនចាញ់ប្រទេសមហា អំណាចឡើយ បើទោះបីចិន ដើរក្រោយ ប្រទេសមហាអំណាចអាវុធអាមេរិកនិង រុស្ស៊ីដល់ទៅជាង ២០ឆ្នាំក្តី។
តាមសារព័ត៌មាន National Interest បានឲ្យដឹងថា ដើម្បីដើរទាន់ រុស្ស៊ីនិង អាមេរិក លើវិស័យបច្ចេកវិទ្យាយោធា ចិន បានធ្វើសកម្មភាពចារកិច្ចដោយជោគជ័យនៅក្រៅប្រទេស ក្នុងការថតចម្លងបច្ចេកវិទ្យាអាវុធពីប្រទេសមហាអំណាច។ ទាំងនោះមិនមែនប្រទេសណាក៏អាចធ្វើបានឡើយ បើមិនមានសមត្ថភាពគ្រប់គ្រាន់ប្រទេសនោះ។ ក្រុមអ្នកឯកទេសបញ្ជាក់ថា អាវុធ ៥ប្រភេទ ជាមូលដ្ឋានគ្រឹះ ធ្វើឲ្យទាហាន ចិន ក្លាយជាមហាអំណាចយោធា ក្នុង តំបន់និងលើពិភពលោក។
១-យន្តហោះចម្បាំង J-7ឆ្នាំ១៩៦១
នៅក្នុងការខិតខំដើម្បីបញ្ចប់ភាពតានតឹង សហភាពសូវៀតបានសម្រេចផ្តល់ គម្រោងនិងសម្ភារ ក៏ដូចជាលិខិតអនុញ្ញាត ឲ្យចិនផលិតយន្តហោះចម្បាំង Mig-21 ដ៏ទំនើប។ សកម្មភាពខាងលើ របស់ទីក្រុង មូស្គូគឺដើម្បី បញ្ចប់គម្លាតវិវាទ និងបង្កើន កិច្ចសហប្រតិបត្តិការយោធារបស់ប្រទេសទាំង២ចិន-រុស្ស៊ី។
ប៉ុន្តែសកម្មភាពរបស់ទីក្រុងមូស្គូ មិន មានប្រសិទ្ធិភាពនោះឡើយ ភាពតានតឹងរវាងចិននឹងរុស្ស៊ីនៅតែបន្តស្ទើរតែផ្ទុះសង្គ្រាម នៅអំឡុងឆ្នាំ ១៩៦០។ គម្រោងអាវុធ ដែល ទីក្រុងមូស្គូបានប្រគល់ឲ្យទីក្រុងប៉េកាំងនោះ ចិន បានបង្ហាញពីភាពឆ្លាតវៃរបស់ខ្លួននៅក្នុងការ ច្នៃ ផលិតយន្តហោះចម្បាំងដោយខ្លួនឯងដោយផលិតបានយន្តហោះប្រភេទJ-7 ដែលមានសមត្ថភាពមិនចាញ់យន្តហោះចម្បាំង Mig-21 នោះឡើយ ។ មិនត្រឹមតែប៉ុណ្ណោះចិនក៏បានអភិវឌ្ឍយន្តហោះចម្បាំងដោយបចេ្ចកវិទ្យាខ្លួនឯង ដោយជោគជ័យទៀតផង។
ក្រោយមក ចិន ក៏បានផលិតយន្តហោះចម្បាំងប្រភេទF-7 លក់ចេញទៅក្រៅ ប្រទេស ប្រជែងជាមួយយន្តហោះចម្បាំង MiG-21 ។ ចិនបានលក់យន្តហោះប្រភេទនេះទៅឲ្យអាមេរិក ដើម្បីជួយដល់ទាហាន អាកាសអាមេរិក ក្នុងការហ្វឹកហាត់ ធ្វើសង្គ្រាម ជាមួយសហភាពសូវៀត។
២-យន្តហោះចម្បាំង J-11
ក្រោយពេលសហភាពសូវៀតដួលរលំ រុស្ស៊ីត្រូវការអតិថជនយ៉ាងខ្លាំងដើម្បីជួយដល់វិស័យឧស្សាហកម្ម សព្វាវុធរបស់ ខ្លួន។ នៅពេលនោះ ចិន កំពុងត្រូវការ បច្ចេកវិទ្យាអាវុធ ក្រោយពេលដែល អាមេរិកនិងអឺរ៉ុប បានសម្រេចដាក់ទណ្ឌ កម្មលើរុស្ស៊ីនៅឆ្នាំ១៩៨៩។
នៅឆ្នាំ១៩៩០ ទីក្រុងមូស្គូនិងទីក្រុង ប៉េកាំង បានសម្រេចព្រមព្រៀងលក់-ទិញអាវុធជាទ្រង់ទ្រាយធំ ក្នុងនោះមាន ទាំងការលក់អាវុធនិង បច្ចេកវិទ្យាអាវុធ ហើយផ្តល់លិខិតអនុញ្ញាត ឲ្យចិន ផលិតតាមគំរូ របស់រុស្ស៊ីទៀតផងនូវយន្ត ហោះ Su-27។ នៅពេលនោះចិន គឺជាប្រទេសទីមួយ ដែល មានយន្ត ហោះខាងលើក្រៅពីរុស្ស៊ី។ នៅក្នុងអំឡុង ឆ្នាំ១៩៩២-២០០០ រុស្ស៊ីបានលក់យន្ត ហោះ ខាងលើ ឲ្យចិនមានតម្លៃពី៣០-៤០លានដុល្លារក្នុងមួយគ្រឿង។
ប៉ុន្តែនៅឆ្នាំ១៩៩៥ ទីក្រុងប៉េកាំង ទទួលបានលិខិតផលិត និងដំឡើង យន្ត ហោះSu -27នៅក្នុងប្រទេសចិនផ្ទាល់។ ភាគីទាំងពីរបានចុះកិច្ច ព្រមព្រៀងមាន តម្លៃដល់ទៅ២,៥ពាន់លានដុល្លារ អនុ ញ្ញាតឲ្យចិន ផលិតយន្តហោះ ចម្បាំង Su-27 ចំនួន២០០គ្រឿង ដែលចិនបានដាក់ ឈ្មោះថា J-11។
ក្រោយពេលដែលចិនផលិតបាន ១០០គ្រឿង នៅឆ្នាំ២០០៤ ចិនក៏បាន សម្រេច លុបចោលកិច្ចព្រមព្រៀង ដោយចាត់ទុកថា យន្តហោះខាងលើ មិនអាចបំពេញតាមតម្រូវការ របស់ ទាហានចិនបានឡើយ គឺហួសសម័យ។ ៣ឆ្នាំក្រោយមកចិន បានផលិតយន្តហោះ ចម្បាំងប្រភេទJ-11B ដែលប្រើប្រាស់ សម្ភារ៩០ភាគរយក្នុងស្រុក។
ជាមួយគ្នានោះ បច្ចេកវិទ្យាមីស៊ីល S-300 ក៏ត្រូវបានព្រមព្រៀងគ្នា រវាងចិន នឹងរុស្ស៊ីផងដែរ ប៉ុន្តែរុស្ស៊ីមានការប្រុង ប្រយ័ត្ន ពេលប្រគល់ទៅឲ្យចិន។
៣-យន្តហោះចម្បាំង បំបាំងកាយ J-31
នៅពេលដែលចិន មានបច្ចេកវិទ្យា ផលិតយន្តហោះចម្បាំងហើយ ចិនបន្ត អភិវឌ្ឍផលិត យន្តហោះ J-31 មាន សមត្ថភាពបំបាំងកាយ ។ យន្តហោះ ខាងលើ ដូចទៅនឹងយន្តហោះ F-35 របស់រុស្ស៊ីដែរ។ មិនតែប៉ុណ្ណោះចិន បានក្លាយជាគូប្រជែងទីផ្សារយន្តហោះជាមួយ F-35 នៅលើពិភពលោក។
៤-យន្តហោះគ្មានមនុស្សបើក
នៅឆ្នាំ២០១០ ចិន មិនទាន់អាចដើរ ទាន់អាមេរិកនៅក្នុងបច្ចេកវិទ្យា ផលិតយន្ត ហោះគ្មានមនុស្សបើក UAV នៅឡើយ ទេ។ ប៉ុន្តែប៉ុន្មានឆ្នាំក្រោយមកចិនក៏បានដើរទាន់អាមេរិកផលិត ហើយយន្តហោះ UAV មានសមត្ថភាពខ្ពស់ ប្រជែង ជាមួយទីក្រុងវ៉ាស៊ីនតោននៅលើទីផ្សារអាវុធពិភពលោក។
នៅពេលនោះ ក្រុមចារកិច្ចអាមេរិក បានបញ្ជាក់ថា ក្រុមហែកឃើរចិន បាន លួចយកបច្ចេកវិទ្យា របស់អាមេរិក ក្នុង ការផលិត យន្តហោះ UAV ។ យន្តហោះ គ្មានមនុស្សបើករបស់ចិន មានសមត្ថភាព តាមដាននិងវាយប្រហារ មិនចាញ់យន្តហោះគ្មានមនុស្សបើករបស់អាមេរិកឡើយ។
៥-បច្ចេកវិទ្យា ធ្វើសង្គ្រាមពេលយប់
នៅចុងឆ្នាំ ១៩៧០ កម្លាំងទាហាន អាមេរិក បានផលិតសម្ភារ ដើម្បីអាចមើល ឃើញនៅពេលយប់ ហើយបំពាក់ដល់ កម្លាំងទាហាន អាមេរិក រថក្រោះ យន្ត ហោះចម្បាំង អាចធ្វើសង្គ្រាមនៅពេលយប់ ដូចជាពេលថ្ងៃដែរ។
ក្រោយមក ចិនក៏មានបច្ចេកវិទ្យាផលិតឧបករណ៍សម្រាប់មើលនៅពេលយបដែរ ។ បច្ចេកវិទ្យាទាំងនោះត្រូវបានអាមេរិកចោទប្រកាន់ថាចិនលួចពីអាមេរិក តាមរយៈ អ្នកជំនួញ ដើម្បីទិញយកបច្ចកវិទ្យាទាំង នោះ។
គេអាចនិយាយបានថា ចិនគឺជាប្រទេស ដែលមានសមត្ថភាពខ្ពស់លើបច្ចេកវិទ្យាអាវុធ ក៏ដូចជាដែនអវកាសអ្វីដែលប្រទេសមហាអំណាចធ្វើបានចិនក៏អាចធ្វើបានដូចគ្នា ។ ការចម្លងបច្ចេកវិទ្យា មិនមែនជារឿង ងាយស្រួលនោះឡើយ ទាល់តែប្រទេស នោះ មានសមត្ថភាពខ្ពស់ ទើបអាចផលិត បាន។
កន្លងមកអីុរ៉ង់ ក៏បានប្រកាស់ថតចម្លងបច្ចេកវិទ្យាយន្តហោះគ្មានមនុស្សបើករបស់អាមេរិកដោយជោគជ័យផងដែរ នៅពេល ដែលអីុរ៉ង់ ចាប់បានយន្តហោះអាមេរិក នៅលើទឹកដីអីុរ៉ង់ ។ អាមេរិកក៏មិនអាច ថ្កោលទោសអីុរ៉ង់បានដែរ ពីការថតចម្លង នេះ៕ ម៉ែវ សាធី
