សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប ៖ ឈ្មួញដុះស្លែរពូកែ ខាងជីកដីលក់យ៉ាងសកម្មប្រចាំក្រុងសៀមរាប ត្រូវបានប្រជាពលរដ្នរិះគន់ទៅយ៉ន យ៉ុង ដែលជាឈ្មួញដី ជីកដីលក់រាប់សិបឆ្នាំមកហើយៗរណ្ដៅនីមួយៗមានជំម្រៅ ចាល់ក្បាលប្រែត ។
ទង្វើបែបនេះគឺបានធ្វើខុសពីគោលការច្បាប់របស់រាជរដ្ឋាភិបាល តម្រូវឲ្យជីកត្រឹមតែ៧ទៅ៨ម៉ែត្រ ប៉ុណ្ណោះតែបែរជាឈ្មួញជីកដីរហូតដល់ជម្រៅ ១៤ម៉ែត្រឯណោះ ។ នេះដោយសារតែការសហការគ្នាល្អក្នុងការប្រព្រឹត្តនូវអំពើពុករលួយ គិតតែប្រយោជន៍ ផ្ទាល់ខ្លួន និងបក្ខពួក ដែលមិនគិតពីផលប៉ះពាលបរិស្ថាន និងអារម្មណ៍របស់ប្រជាពលរដ្នឡើយ ។
ជាក់ស្ដែងរណ្ដៅដីនៅចំណុចវាលក្រោម ក្បែរ ភ្នំក្រោម ស្ថិតនៅក្នុងភូមិ វាល សង្កាត់សំបួរ ក្រុងសៀមរាប ខេត្តសៀមរាប ដែលឈ្មួញកំពុងតែ ធ្វើសកម្មភាពជីកដី និងដឹកជញ្ជូនដីយ៉ាងសកម្ម ក្នុង១ថ្ងៃៗមិនក្រោមពី១០០០រថយន្ដនោះឡើយ។
តាមប្រភពច្បាស់ការមួយបានឲ្យដឹងថា ឈ្មួញ ដីដុះស្លែ ឈ្មោះយ៉ន យ៉ុង បានត្រូវរូវជាមួយ លោក ជូ រ៉ា ម៉ី ប្រធានមន្ទីរ រ៉ែ ថាមពល ខេត្តសៀមរាប ជាជំនិតយ៉ាងជិតស្និទ្ធបំផុត ទើបហ៊ាន ជីករណ្ដៅដីមានទំហំ មិនតូចជាង១០០ម៉ែត្របួនជ្រុង ហើយមានជម្រៅរហូតដល់១៤ម៉ែត្រ ឯណោះ ។
ចំពោះការរិះគន់នេះត្រូវបានលោក យ៉ន់ យ៉ុង ឆ្លើយបដិសេធក្នុងកិច្ចសម្ភាសថា លោកមិនបានធ្វើ និងមិនបានរកនោះទេ តែនេះជាសំដីដោះសារតែប៉ុណ្ណោះ។
ពាក់ព័ន្ធនឹងបញ្ហានេះ អ្នកសារព័ត៌មានបាន សម្ភាសន៍តាមទួរស័ព្ទទៅ លោក ជូ រ៉ា ម៉ី ប្រធានមន្ទីរ រ៉ែ ថាមពល ខេត្តសៀមរាប លោកបានឆ្លើយតបថា លោកពុំទាន់បានដឹងនោះទេ លោកនឹងឲ្យជំនាញរបស់លោកចុះទៅមើល៕ប៊ុន រិទ្ធី
