សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុៈ នៅថ្ងៃទី២៥ ខែសីហា ឆ្នាំ២០១៧ វេលាម៉ោង២៣និង៥០នាទី លើផ្លូវមិត្តភាព ត្រង់ចំណុច មុខផ្សារ៣០០៛ (អូរមួយ) ស្ថិតនៅក្នុងភូមិ៣ សង្កាត់លេខ៤ ក្រុង/ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាង ម៉ូតូ១គ្រឿងម៉ាក VIVA ពណ៌ខ្មៅ ពាក់ស្លាកលេខ បាត់ដំបង1C-4380 បើកបរដោយឈ្មោះ ភុំ ចាន់ដា ភេទ ប្រុស អាយុ ៣៣ឆ្នាំ មានទីលំនៅ (ក្នុងអត្តសញ្ញាណ) ភូមិអំពិលផ្អែម ឃុំក្រាំងចេក ស្រុកឧដុង្គ ខេត្តកំពង់ស្ពឺ មានទិសដៅពីអូរទីមួយ ឆ្ពោះមកផ្សារលើ លុះដល់ចំណុចខាងលើក៏បានបុកនឹងម៉ូតូ១គ្រឿងទៀត ម៉ាក HONDA C125 ពណ៌ ខ្មៅ ពាក់ស្លាកលេខ កំពង់ធំ1D-0278 បើកបរដោយឈ្មោះ ផាន ភេទ ប្រុស អាយុ ៣៩ឆ្នាំ ស្ថិតនៅក្នុងសង្កាត់កោះរ៉ុង ក្រុង/ខេត្តព្រះសីហនុ មានទិសដៅបញ្រ្ចាសគ្នា ។
គ្រោះថ្នាក់នេះបណ្តាលឲ្យស្លាប់មនុស្ស ម្នាក់ នៅនឹងកន្លែងកើតហេតុ និង រងរបួសធ្ងន់ម្នាក់ ៖
១-ឈ្មោះ ភុំ ចាន់ដា អ្នកបើកបរម៉ូតូ VIVA ស្លាប់នៅនឹងកន្លែងកើតហេតុ កំពុងទាក់ទងក្រុមគ្រួសារដើម្បីយកសព ទៅធ្វើបុណ្យ។
២-ឈ្មោះ ផាន អ្នកបើកបរម៉ូតូ HONDA រងរបួសធ្ងន់ បានបញ្ជូនទៅសង្គ្រោះនៅគ្លីនិកមិត្តភាព៨៨៨ ។
មធ្យោបាយទាំង ២គ្រឿង បានយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីរង់ចាំការដោះស្រាយ៕ ឆ្លាម សមុទ្រ
