សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ឃួង ស្រេង អភិបាលរាជធានីភ្នំពេញ បាន បើកការដ្ឋានស្ថាបនាផ្លូវ៣៥១ ចាប់ពីផ្លូវជាតិ លេខ១ដល់ ផ្លូវចេត ស៊ីណាត់ ដោយឆ្លងកាត់សង្កាត់២ គឺសង្កាត់និរោធនិងសង្កាត់ព្រែកប្រា ខណ្ឌច្បារអំពៅ នាព្រឹតថ្ងៃទី០៥ កញ្ញា ឆ្នាំ២០១៧ ។ ពិធីនេះធ្វើឡើងដោយមានការចូលរួមពី មន្ត្រីក្រោមឱវាទ រដ្ឋបាលរាជធានី អាជ្ញាធរមូលដ្ឋាននិងប្រជាពល រដ្ឋជាច្រើន រយនាក់។
លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងថា៖ ការដ្ឋាននេះនឹងស្ថាបនាឡើង ជាប្រភេទផ្លូវបេតុង មានប្រវែង១២៧២ម៉ែត្រ កំរាស២តឹក និងដាក់លូ សង់ខាង ផ្លូវទំហំ១ម៉ែត្រកន្លះ ដោយ ចាប់ពីផ្លូវជាតិលេខ១ដល់ ផ្លូវចេត ស៊ីណាត់ ឆ្លងកាត់ សង្កាត់និរោធនិងសង្កាត់ព្រែកប្រា ខណ្ឌច្បារ អំពៅ ។ ការដ្ឋាន នេះក៏បានធ្វើឡើងទៅតាមការស្នើសុំរបស់បងប្អូនប្រជា ពលរដ្ឋនៅក្នុងមូលដ្ឋានផងដែរ ។
លោក ឃួង ស្រេង បានបញ្ជាក់ថា ៖ ផ្លូវបេតុងមួយខ្សែនេះ និងជួយរំដោះ ការកកស្ទះចរាចរណ៏ ពីបណ្ដោយផ្លូវជាតិ លេខ១ បានមួយកំរិតធំផងដែរ ។ ហើយក៏ជាផ្លូវ យុទ្ធសាស្ដ្រ ជួយសម្រួលចរាចរណ៏ ដល់បងប្អូនក្នុងការដឹកកសិផល របស់បងប្អូន បានយ៉ាងងាយស្រួល ទៅលក់នៅទីផ្សារ ដោយបានកាត់បន្ថយ ការចំណាយពេលវេលា និងថវិកា នៅពេលបងប្អូន ប្រកបអាជីវកម្ម ។
លោកឃួង ស្រេង បានបញ្ជាក់ថា៖ ក្រោយពីយើងបានស្ថាបនាផ្លូវ១ខ្សែនេះ រួចរាល់ យើងនិងបន្ដគម្រោង ដែលនៅ សេសសល់ ដើម្បីបញ្ចប់ គម្រោង ខណៈគម្រោងនៅតំបន់ នេះ ត្រូវបានស្ថាប័ន អ្នកជំនាញចុះ សិក្សា អស់រយៈពេលជាង២ឆ្នាំមកហើយ នោះ ។ ក្រៅពីការអភិវឌ្ឍន៏ យើងក៏ត្រូវបន្ដ ការងារពង្រឹងការរៀបចំសណ្តាប់ធ្នាប់សាធារណៈ តាមគោលដៅទេសចរណ៍សំខាន់ ដោយទប់ស្កាត់ឲ្យបាននូវការប្រើប្រាស់ដីចំណីផ្លូវសម្រាប់ធ្វើអាជីវកម្ម ការចតម៉ូតូ រ៉ឺម៉ក រថយន្ត គ្មានសណ្តាប់ធ្នាប់ និងបន្តរៀបចំឲ្យមានផ្លូវដើរសម្រាប់អ្នកទេសចរឲ្យបានច្រើន ពិសេសពង្រឹងសណ្តាប់ធ្នាប់សាធារណៈ នៅតំបន់ សំខាន់ៗ នៅរាជធានីរបស់យើងឲ្យបានល្អ ។ ជាមួយគ្នានេះដែរ យើងក៏ត្រូវ បន្ដការងារ ការពារ នូវ បឹង ប្រឡាយ និងព្រែក ដែលជាសម្បត្ដិរបស់រដ្ឋ ឲ្យបានគង់វង្ស កុំឲ្យមានការរំលោភបំពាន ពីសំណាក់បងប្អូបប្រជាពលរដ្ឋ បន្ដទៀត ។
លោកបន្ដថា៖ ការចំណាយថវិកា ក្នុងការស្ថាបនា ផ្លូវ ១ខ្សែ នេះ គឺអាជ្ញាធររាជធានីភ្នំពេញ ជាអ្នកចំណាយទាំងស្រុង មិនមែន៥០ % បូក៥០% ដូចកាលពីមុនទៀតនោះទេដូច្នេះ បងប្អូន ត្រូវតែចូលរួមថែក្សា ការពារ ដើម្បីប្រើប្រាស់ បានយូអង្វែង ទាំងអស់គ្នា ៕ សំរិត
