សម្ដេចតេជោ ហ៊ុន សែន អញ្ជើញសម្ពោធពន្លាជាតិកម្ពុជា និងទស្សនាសាលពិព័រណ៍ពាណិជ្ជកម្មកម្ពុជា

បងប្អូនយកផលិតផលមកតាំងនៅទីនេះ គឺក្នុងគោលបំណងដើម្បីផ្សព្វផ្សាយផលិតផលគុណភាពកម្ពុជា នឹងដើម្បីស្វែងរកដៃគូចិនក្នុងការចែកចាយនៅទីផ្សារក្នុងប្រទេសចិន។ សម្តេចតេជោ មានក្តីរំភើបរីករាយ និងលើកទឹកចិត្តដល់បងប្អូនពាណិជ្ជករ និងអ្នកវិនិយោគគិនចូលរួមជំរុញការនាំចេញផលិតផលកសិកម្ម ខ្មែរយើងអោយកាន់តែច្រើន ដើម្បីជួយដល់បងប្អូនកសិកអោយមានជីវភាពរស់នៅកាន់តែប្រសើឡើង។

បន្ទាប់ពីបានជួបសំណេះសំណាល និងសួរសុខទុក្ខបងប្អូនអាជីវករ និងពាណិជ្ជករនៅជាន់ខាងលើរួច ហើយ សម្តេចតេជោ ហ៊ុន សែន បានអញ្ជើញទៅជាន់ខាងក្រោមកាត់ខ្សែបូរសម្ពោធពន្លាជាតិកម្ពុជា ដែលឆ្នាំ២០១៧ នេះគឺមានរៀបចំជាទ្រង់ទ្រាយប្រាសាទព្រះវិហារ។ នៅក្នុងឱកាសនោះដែរ ក៏មានកូន ក្មួយរាំរបាំជូនសម្តេច និងភ្ញៀវជាតិ និងអន្តរជាតិទស្សនាប្រកបដោយបរិយាកាសរីករាយក្រៃលែង៕

រូបភាព៖ ហ្វេសប៊ុកសម្តេចតេជោ