សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្ងៃពុធទី១៣ ខែកញ្ញា ឆ្នាំ២០១៧៖ ខ្សែភាពយន្តចំនួន១២ផលិតដោយផលិតករវ័យក្មេងរបស់កម្ពុជា ត្រូវដាក់ជូនទស្សនាជាផ្លូវការដោយឥតគិតថ្លៃលើកម្មវិធីSOYOដែលជាកម្មវិធីទស្សនាវីដេអូដ៏ពេញនិយមក្នុងប្រទេសកម្ពុជា។
ក្រុមផលិតករភាពយន្តវ័យក្មេងមួយក្រុមត្រូវបានជ្រើសរើសឲ្យធ្វើការជាមួយផលិតកម្មភាពយន្តលើនាដកថា[សំណេរនៃសាច់រឿង]របស់ពួកគេដែលបានដាក់ទៅកាន់អ្នកជំនាញភាពយន្ត។ដោយមានការគាំទ្រផ្នែកហិរញ្ញវត្ថុពីកម្មវិធីSOYO និងផ្នែកបច្ចេកទេសហើយនិងផ្នែកច្នៃប្រឌិតពីអ្នកជំនាញផលិតកុនក្នុប្រទេសកម្ពុជា។
ខ្សែភាពយន្តខ្លីទាំង១២ត្រូវបានផលិតឡើងក្រោមមូលបទនៃ«សប្បាយ»ដែលមានប្រភេទជាដ្រាម៉ានិងកំប្លុកកំប្លែង។កម្មវិធីនេះមានការរួមសហការរវាងក្រុមហ៊ុនSabayឌីជីថលនិងផលិតកម្មComeTogetherដើម្បីជួយផលិតករខ្មែរជំនាន់ក្រោយលើផ្នែកហិរញ្ញវត្ថុនិងការណែនាំដែលអាចឲ្យពួកគេមានសមត្ថភាពផលិតបាននូវខ្សែភាពយន្តថ្មីហើយនិងផ្តល់ជាកន្លែងឲ្យពួកគេបង្ហាញស្នាដៃភាពយន្តរបស់ខ្លួនថែមទៀត។
ខ្សែភាពយន្តទាំង១២ត្រូវបានផលិតឡើងស្របតាមចំណង់ចំណូលចិត្តរបស់ទស្សនិជនខ្មែរដែលរឿងទាំងនេះបង្ហាញពីហេតុការណ៍ចៃដន្យភាពកំប្លុកកំប្លែងរឿងមិនគួរឲ្យជឿនិងស្នេហាផ្អែមល្ហែមជូរចត់បែបកំប្លែង។ខ្សែភាពយន្តទាំងនោះរួមមានចំណងជើងដូចជា៖កម្មវិធីCarpool បណ្តាំតាមសេកស្ពានជ្រោយចង្វារការណាត់ជួបមួយចាប់ជំរិតរថភ្លើងមួយខ្សែOne Love នំបញ្ចុកផ្លូវវែងអន្លាយភ្ញៀវជាស្តេចបទសម្ភាសន៍ពនេចរ។ខ្សែភាពយន្តខាងលើត្រូវបានផលិតឡើងមានភាគជាច្រើនសម្រាប់អ្នកទស្សនា។
លោកសាងចាន់វិសាលដែលជាអ្នកសរសេរនិងដឹកនាំរឿងLong Way Home និងthe Train បាននិយាយថា: “បន្ទាប់ពីខ្ញុំឈ្នះបានរង្វាន់ពានប្រាក់ពីមហោស្រពភាពយន្តខ្លីឆ្នាំ២០១៦មកខ្ញុំមានចិត្តចង់ធ្វើភាពយន្តបន្ថែមទៀតប៉ុន្តែខ្ញុំពុំមានថវិកានិងការគាំទ្រផ្សេងៗឡើយ។ដោយហេតុនេះហើយធ្វើអោយខ្ញុំគិតថាឧិកាសដ៏ល្អកម្ររកបាននេះបានជួយអោយខ្ញុំផលិតរឿងចេញមកនិងបង្រៀនរូបខ្ញុំទាំងចំណេះវិជ្ជានិងបទពិសោធជាអ្នកផលិតភាពយន្ត។”
លោកស៊ុតឈាងឡេងនាយកគ្រប់គ្រងផ្នែកអាជីវកម្មរបស់SOYO បានមានប្រសាសន៍ថា: “ពួកយើងមានក្តីសោមន្សរីករាយណាស់ដែលបានធ្វើការជាមួយក្រុមហ៊ុនផលិតភាពយន្តក្នុងស្រុកនិងចូលរួមគាំទ្រដល់អ្នកផលិតរឿងក្នុងស្រុកដើម្បីអោយពួកគាត់មានឳកាសបង្កើតវីដែអូថ្មីៗប្លែកៗសំរាប់អ្នកដែលស្រលាញ់និងនិយមទស្សនានៃការបង្កើតថ្មីនេះ”។លោកបន្តទៀតថា: “ SOYO បង្កើតអោយមានវីដេអូថ្មីៗជាច្រើនប្រភេទផ្សេងៗគ្នាសម្រាប់ទស្សនិកជនខ្មែរហើយអ្នកប្រើប្រាស់ផងដែរដែលនឹងដាក់ជូនទស្សនាជាបន្តបន្ទាប់ចាប់ពីពេលនេះតទៅ៕ វឌ្ឍនា
