សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ កម្លាំងជំនាញអធិការដ្ឋាននគរបាលស្រុកបាទីបានឃាត់ខ្លួនជនសង្ស័យម្នាក់ នៅថ្ងៃទី២៤ ខែកញ្ញា ឆ្នាំ២០១៧ តាមដីកាបស់សាលាដំបូងខេត្តតាកែវពាក់ព័ន្ធករណីឃាត់កម្មគិតទុកជាមុន។
យោងតាមរបាយការណ៍របស់អធិការដ្ឋាននគរបាលស្រុកបាទី បានឲ្យដឹងថា ការឃាត់ខ្លួននេះធ្វើឡើងតាមដីកាបញ្ជាឲ្យចាប់ខ្លួនលេខ៣៧ ចុះថ្ងៃទី០៨ ខែមិថុនា ឆ្នាំ២០១៥ របស់សាលាដំបូងខេត្តតាកែវ ពាក់ព័ន្ធករណីឃាតុកម្មគិតទុកជាមុន ដែលប្រព្រឹត្តកាលពីថ្ងៃទី២៧ ខែសីហា ឆ្នាំ២០១៤ នៅភូមិព្រៃជន្លួញ ឃុំក្រាំងលាវ ស្រុកបាទី ។ ជនសង្ស័យមានឈ្មោះ ឃុន វាសនា ភេទប្រុស អាយុ៣២ឆ្នាំ មានទីលំនៅភូមិឈើទាលជ្រៃ ឃុំក្រាំងលាវ ស្រុកបាទី ។
បច្ចុប្បន្នជនសង្ស័យកំពុងសាកសួរ ដើម្បីបំពេញសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមផ្លូវច្បាប់ ។ ភ្នំដា
