សម្តេចតេជោនឹងវិលត្រឡប់មកកាន់មាតុប្រទេសវិញ បន្ទាប់ពីបានចូលរួមនៅក្នុងខួប៥០ឆ្នាំ នៃការឡើងគ្រងរាជសម្បត្តិរបស់ ព្រះមហាក្សត្រប្រ៊ុយណេ ព្រះចៅស៊ុលតង់ ហាជី ហាសាណាល់ បុលគីយ៉ាស់

ប្រ៊ុយណេ៖ សម្តេចតេជោហ៊ុន សែន បានថ្លែងលើបណ្តាញសង្គមហ្វេសប៊ុកថា៖ នៅព្រឹកនេះ ខ្ញុំនឹងវិលត្រឡប់មកកាន់មាតុប្រទេសវិញ បន្ទាប់ពីបានចូលរួមនៅក្នុងខួប៥០ឆ្នាំ នៃការឡើងគ្រងរាជសម្បត្តិរបស់ ព្រះមហាក្សត្រប្រ៊ុយណេ ព្រះចៅស៊ុលតង់ ហាជី ហាសាណាល់ បុលគីយ៉ាស់ (SULTAN HAJI HASSANAL BOLKIAH) នៅព្រះបរមរាជរាំង កាលពីយប់មិញ។ មានព្រះមហាក្សត្រជាច្រើនប្រទេស រួមទាំងប្រមុខរដ្ឋ មន្រ្តីតំណាងប្រទេសនានា និងឥស្សរជនសំខាន់ៗជាច្រើនរូបបានចូលរួមនៅក្នុងពិធីដ៏អធិកអធម្មនេះ។

នៅក្នុងឱកាសនោះផងដែរ ខ្ញុំក៏បានចូលក្រាបបង្គំគាល់និងពិភាក្សាការងារជាមួយព្រះមហាក្សត្រ Brunei និងជួបប្រាស្រ័យជាមួយប្រមុខរដ្ឋ​ រដ្ឋាភិបាលមួយចំនួនទៀត ដើម្បីរិតចំណង​មិត្តភាព សាមគ្គីភាព និងសហប្រតិបត្តិការអោយកាន់តែល្អប្រសើរថែមទៀត។

សូមជូនពរបងប្អូនជនរួមជាតិជួបតែសេចក្តីសុខ និងរីករាយក្នុងថ្ងៃចុងសប្តាហ៍ទាំងអស់គ្នា៕

រូបភាព៖ ហ្វេសប៊ុកសម្តេចតេជោ