សារព័ត៌មាន នគរវត្ត តែងតែនាំមុខគេជានិច្ច
លោក Mauricio Pochettino អ្នកចាត់ការទូរទៅក្លិបមាន់ខ្នាយមាស Tottenham Hotspurបានថ្លែងថា ខ្សែប្រយុទ្ធ Harry Kane នឹងលេងឲ្យក្រុមអង់គ្លេសរយៈពេលយូរ រហូតដល់ចូលនិវត្តន៍ដូច Francesco Totti របស់ Roma ដែលបានចំណាយពេលពេញអាជីពលេងតែក្លិបរបស់អ៊ីតាលី។
អ្នកចាត់ការជនជាតិអាហ្សង់ទីនបានថ្លែងមុនជំនួប Real Madrid នៅកីឡដ្ឋាន Santiago Bernabeuថា “ឃើញHarry Kaneគេមានអារម្មណ៍ក្ដុកក្ដួលមែនទែនពេល គេទស្សនាការប្រកួតចុងក្រោយរបស់ Totti នៅ Roma ។ ខ្ញុំគិតថា រឿងរ៉ាវនេះនឹងជំរុញទឹកចិត្តរបស់គេ ហើយខ្ញុំសង្ឃឹមថា គេនឹងលេងនៅ Tottenham រហូតដល់ថ្ងៃព្យួរស្បែកជើង” ។
លោក Mauricio Pochettinoបាននិយាយបន្តទៀតថា “អ្វីដែលសំខាន់នៅពេលនេះ គឺគាត់សប្បាយចិត្តនៅក្នុងក្លិប Tottenhamនាពេលបច្ចុប្បន្ន ហើយពុំមានអ្នកណាម្នាក់ដឹងថា នឹងមានរឿងអ្វីកើតឡើងនោះទេនៅពេលអណាគត” ។
គួរបញ្ជាក់ថា Harry Kaneបានចេញពីសាលាបាល់ទាត់របស់ក្លិប Tottenham តែម្តង ហើយកំពុងតែមានទម្រង់លេងយ៉ាងល្អ ខណៈដែលមានការចាប់អារម្មណ៍ចង់ទិញពីក្លិប Real Madrid ផងដែរ ៕ ដេវីត
