សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ កុដិព្រះសង្ឃ១ខ្នងទំហំ៧ម៉ែត្រគុណ៧ម៉ែត្រទុស្សេចរន្តអគ្គីសនីឆេះបង្កការភ្ញាក់ផ្អើលកាលអស់កាលពីព្រឹកថ្ងៃទី៣ ខែវិច្ឆិកា ឆ្នាំ២០១៧ នៅវត្តខ្វាវលិច ស្ថិតក្នុងភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ទោ ជា ស្លូញអធិការនគរបាលស្រុកស្វាយចេកបានឲ្យដឹងថា កុដិព្រះសង្ឃ១ខ្នង ដែលត្រូវបានអគ្គីភ័យឆាបឆេះនេះគឺធ្វើអំពីឈើប្រក់ស័ង្កឆេសី មានទំហំ៧គុណ៧ម៉ែត្រ នៅពេលកើតមានអគ្គីភ័យនេះ កងកម្លាំងនគរបាល ប្រជាពលរដ្ឋ និងអាជ្ញាធរមូលដ្ឋាន បានចេញជួយអន្តរាគមន៍បាញ់ទឹកពន្លត់ផងដែរ តែដោយអំណាចភ្លើងបានឆាបឆេះខ្លាំងមិនអាចពន្លត់បានទើបបណ្តាលឲ្យភ្លើងឆេះអស់នៅសល់តែសរសរ និងដំបូលស័ង្កសី តែខូចខាតទាំងស្រុង ។
លោកថា មុនពេលកើតហេតុឆេះនៅកុដិនោះមានព្រះសង្ឃ១អង្គ គង់នៅតែព្រឹកឡើងព្រះសង្ឃនោះរវល់មកគ្រងបុណ្យកឋិននៅវត្តល្បើកស្វាយ ហើយពេលកើតហេតុនោះ មិនមានមនុស្សនៅទេពេលដែលអគ្គីសភ័យឆាប់ឆេះ។ តាមការឲ្យដឹងពីគណៈកម្មការអាចារ្យវត្ត សម្ភារខូចខាតឆេះអស់មានស្បង់ចីពរ ប្រដាប់ភ្លេងពិនពាធ ចានឆ្នាំង និងអំភ្លី មីក្រូសម្រាប់ចាក់បន្លឺសំឡេងនៅពេលមានរដូវបុណ្យ។
លោកអាត់ ខែម ស្នងការខេត្តបានបញ្ជាក់ថា គួរឲ្យសោកស្តាយណាស់កុដិលោកនៅវត្តខ្វាវលិច ត្រូវអគ្គីភ័យឆាបឆេះអស់ មូលហេតុ មកពីទុសេ្សឆ្លងចរន្តខ្សែភ្លើងនៅពេលព្រះសង្ឃ មិននៅជាប់ទៅបុណ្យកឋិននៅចំការគរ (កុតឈើប្រកស័ង្កសី7×9) ក្នុងរយៈពេល១៥ទៅ២០នាទីឆេះអស់ វត្តនេះ នៅឆ្ងាយពីទីរួមស្រុក ដោយផ្ដល់ព័ត៌មានយឺតធ្វើឲ្យសង្គ្រោះពីរថយន្តពន្លត់អគី្គភ័យមិនអាចជួយបាន ៕ វណ្ណា
