សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រោយពីមានជះទឹកអាសុីតទៅលើស្ត្រីម្នាក់កាលពីម្សិលមិញ សមត្ថកិច្ចនគរបាលខណ្ខមានជ័យបានបំបែកសំណុំរឿងនេះ ដោយបានឃាត់ខ្លួនបានបុរសជនសង្ស័យដែលបានជះទឹកអាសុីតទៅលើស្ត្រីរងគ្រោះ។
សមត្ថកិច្ចបានឲ្យដឹងថា បុរសដែលជាអ្នកធ្វើសកម្មភាពជះទឹកអាស៊ីតទៅលើស្ត្រីដែលខ្លួនស្រឡាញ់មិនបានឈ្មោះ ខៀវ វិសិដ្ឋស ហៅថៃយ៉ា ភេទប្រុស អាយុ៤៩ឆ្នាំ មុខរបរមិនពិតប្រាកដ ។
ជនសង្ស័យត្រូវឃាត់ខ្លួនបានកាលពីវេលាម៉ោង១១និង២០នាទីព្រឹក ថ្ងៃទី១៥ ខែវិច្ឆិកា ឆ្នាំ២០១៧ ដោយជនសង្ស័យបានលួចទៅមើលស្ត្រីរងគ្រោះនៅមន្ទីរពេទ្យលោកសង្ឃ ដោយមានកម្លាំងសមត្ថកិច្ចឃ្លាំមើល ឃាត់បានហើយបញ្ជូនមកប៉ុស្តិ៍នគរបាលស្ទឹងមានជ័យដើម្បីសាកសួរ ៕
