សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ ជនសង្ស័យ២នាក់ត្រូវបានកម្លាំងនគរបាលខណ្ឌច្បារអំពៅ ចាប់ខ្លួន នៅគោលដៅ២ផ្សេងគ្នា ពាក់ព័ន្ធបទល្មើស២ផ្សេងគ្នា ក្នុងនោះជនសង្ស័យម្នាក់ជាប់ចោទពីបទប៉ុនប៉ងរំលោភ និងម្នាក់ទៀតចាប់ខ្លួនតាមដីកាជាប់ចោទពីបទលួចសម្ភារ។
ករណីចាប់ខ្លួនជនសង្ស័យទាំង២នាក់នេះ ធ្វើឡើងនៅរសៀលថ្ងៃទី៩ ខែធ្នូ ឆ្នាំ២០១៧ នៅចំណុច២ផ្សេងគ្នា ដែលករណីទី១ ជនសង្ស័យម្នាក់ត្រូវបានក្រុមគ្រួសារនារីរងគ្រោះចាប់ខ្លួនប្រគល់ឲ្យកម្លាំងនគរបាលប៉ុស្តិ៍ច្បារអំពៅទី២ ពាក់ព័ន្ធករណីប៉ុនប៉ងរំលោភ ។
ជនសង្ស័យមានឈ្មោះ សួន សារ៉េត ភេទប្រុស អាយុ២៦ឆ្នាំ គ្មានមុខរបរពិតប្រាកដ មានទីលំនៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ ។ នារីរងគ្រោះអាយុ១៦ឆ្នាំ មុខរបរលក់ដូរ ។
មុនឈានដល់ការចាប់ខ្លួន ត្រូវបានសមត្ថកិច្ចឲ្យដឹងថា នៅវេលារសៀលថ្ងៃទី០៩ ខែធ្នូ នារីរងគ្រោះបានត្រឡប់មកពីលក់ដូរនៅផ្សារ ពេលទៅដល់ផ្ទះ នារីរងគ្រោះបានចូលបន្ទប់ដើម្បីប្តូរសម្លៀកបំពាក់ តែពេលចូលបន្ទប់នា ងមិនបានដាក់គន្លឹះទ្វារទេ ។ ពេលនោះ ស្រាប់តែជនសង្ស័យឃើញទ្វារអត់ដាក់គន្លឹៈក៏លបចូលទៅក្នុងបន្ទប់ដែរ ក្នុងបំណងចាប់រំលោភ ពេលឃើញជនសង្ស័យចូលក្នុងបន្ទប់នារីរងគ្រោះបានស្រែកអោយគេជួយ ។ ពេលឮសម្លេងនារីរងគ្រោះស្រែកជនសង្ស័យបានរត់ចេញពីបន្ទប់ គ្រានោះ ក្រុមគ្រួសារបានរត់ទៅចាប់ជនសង្ស័យប្រគល់ឲ្យនគរបាលប៉ុស្តិ៍ច្បារអំពៅទី២ដើម្បចាត់ការតាមផ្លូវច្បាប់ ។
ដោយឡែក ករណីមួយទៀត ជនសង្ស័យម្នាក់ ត្រូវកម្លាំងនគរបាលប៉ុស្តិ៍ព្រែកប្រា ចាប់ខ្លួន ទៅតាមអំណាចដីកាបង្គាប់ឲ្យចាប់ខ្លួន លេខ៧១៨ “រ” ដ.ច.ន ចុះថ្ងៃទី ២៨-០៩-២០១៧ ចេញដោយលោក តុប ឈុនហេង ចៅក្រមជំនុំជម្រះ នៃសាលាដំបូងរាជធានីភ្នំពេញ ចោទពីបទ ៖ លួច ប្រព្រឹត្តនៅចំណុច មុខផ្ទះលេខ៤៤ ផ្លូវ លំ ភូមិអូរអណ្តូង១ សង្កាត់ ព្រែកប្រា ខណ្ឌច្បារអំពៅ កាលពីថ្ងៃទី ១៩-០៣-២០១៧។
ជនល្មើសឈ្មោះ អ៊ុក ចំរើន ហៅ ទីឡេវ ភេទ ប្រុស អាយុ ២៩ឆ្នាំ មុខរបរ មិនពិតប្រាកដ ស្នាក់នៅផ្ទះលេខ៣៧៤ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ ។
បច្ចុប្បន្នជនសង្ស័យទាំង២នាក់ត្រូវឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌច្បារអំពៅ ដើម្បីចាត់ការតាមនីតិវិធី ៕ សណ្តោស
