សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងកាលពីព្រឹកថ្ងៃអង្គារ ១៣រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវ និងថ្ងៃទី១៣ ខែកុម្ភៈ ឆ្នាំ២០១៨ នៅលើបណ្តាញសង្គមហ្វេសប៊ុកយ៉ាងដូច្នេះថា៖
«នៅក្នុងឱកាសចូលឆ្នាំចិនដែលនឹងមកដល់ខាងមុខនេះ (១៥ កុម្ភះ) សូមបងប្អូនប្រជាពលរដ្ឋ កុំអោយមានគ្រោះថ្នាក់ចរាចរណ៍កើតឡើងអោយសោះ ទោះបីធ្វើដំណើរជិតឆ្ងាយទាំងនៅក្នុងទីក្រុង នឹងនៅតាមបណ្តាខេត្តនានា។ ទន្ទឹមនឹងនេះ សូមបងប្អូនចូលរួមទប់ស្កាត់ កុំអោយមានអគ្គីភ័យឆេះផ្ទះអោយសោះ គឺត្រូវពន្លត់ភ្លើងទៀន ធូប ក្រោយពេលចប់ពិធីសែន។
សូមជូនពរបងប្អូនបានសប្បាយរីករាយក្នុងឱកាសចូលឆ្នាំចិនខាងមុខគ្រប់ៗគ្នា» ៕
