សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសពីរនាក់បើករថយន្តចេញពីហូបការ ត្រឡប់ទៅផ្ទះជ្រុលចង្កូតទៅបុកក្បាលខឿនចែកទ្រូវផ្លូវស្តុបផ្លូវបែកបួនបណ្តាលរងរបួសធ្ងន់ស្រាលពីរនាក់ ចំណែកថយន្តខ្ទេចកង់ខាងមុខខាងឆ្វេងទៅមុខលេងរួច ។
ហេតុការណ៍នេះ កើតឡើងកាលពីវេលាម៉ោង១០ និង៤០នាទីយប់ ថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨ ស្ថិតនៅចំណុចស្តុបផ្សាដីហុយ តាមបណ្តោយផ្លូវភ្នំពេញហាណូយកែង និងផ្លូវលេខ១៩៨៦ក្នុងសង្កាត់គោកឃ្លាង ខណ្ឌសែនសុខ រជធានីភ្នំពេញ ។
តាមប្រភពព័ត៌មានពីសាច់ញាតិជនរងគ្រោះបានប្រាប់ឲ្យដឹងថា មុនកើតហេតុជនរងគ្រោះពីរនាក់បើករថយន្តមួយគ្រឿងម៉ាកប្រូស ពណ៌ទឹកប្រាក់ពាក់ស្លាកលេខភ្នំពេញ2R-4833ទើបនឹងចេញហូបការមួយកន្លែងបំណងបើកត្រឡប់ទៅផ្ទះធ្វើដំណើរក្នុងទិសដៅពីជើងទៅត្បូងលុះមកដល់ចំណុចកើតហេតុខាងលើបានរេចង្កូចទៅខាងឆ្វេងដៃជ្រុលចង្កូចទៅបុកក្បាលខឿនចែកទ្រូងផ្លូវបណ្តាលឲ្យបុរសម្នាក់រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗចំណែកម្នាក់រងរបួសស្រាលរីឯរថយន្តបង្កខ្ទេចកង់ខាងមុខខាងឆ្វេងខូចខាតយ៉ាងដំណំចំណែកក្បាលខឿនបែកប្រះតិចតួច។
ក្រោយកើតហេតុ សមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាលយ័ចរាចរណ៍ផ្លូវគោករាជធានីភ្នំពេញរង់ចាំដោះគ្នាទៅតាមផ្លូវច្បាប់៕សុខាសែនជ័យ
