សារព័ត៌មាន នគរវត្ត តែងតែនាំមុខគេជានិច្ច
ក្រុងព្រះសីហនុ៖ ថ្ងៃព្រហស្បតិ៍ ៨កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២២ ខែកុម្ភៈ ឆ្នាំ២០១៨ វេលាម៉ោង២១ កម្លាំងជំនាញការិយាល័យនគរបាលប្រឆាំងគ្រឿងញៀន ចុះបង្រ្គាបករណីគ្រឿងញៀនមួយករណីនៅចំណុចក្រុម១៤ ភូមិ១ សង្កាត់១ ក្រុង-ខេត្តព្រះសីហនុ ។
សមត្ថកិច្ចថ្លែងថា បានឃាត់ខ្លួនជនសង្ស័យបាន២នាក់ ឈ្មោះ តឹក លីវុទ្ធារិទ្ធ ភេទ ប្រុស អាយុ ២៤ ឆ្នាំ មានទីលំនៅ ក្រុម១៤ ភូមិ១ សង្កាត់១ ក្រុង-ខេត្តព្រះសីហនុ មុខរបរ មិនពិតប្រាកដ និងឈ្មោះ ញ៉ែម ធារ៉ា ភេទស្រី អាយុ២៤ ឆ្នាំ មានទីលំនៅ ស្រុកព្រៃនប់ ខេត្តព្រះសីហនុ។
សមត្ថកិច្ចដកហូតបាន ម្សៅក្រាមសថ្លាសង្ស័យសាធាតុញៀនចំនូន២៣ កញ្ចប់ ក្នុងនោះ ២២ កញ្ចប់តូច ១ កញ្ជប់ធំនិងទូរស័ព្ទដៃ២ គ្រឿង ។
បច្ចុប្បន ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕ ឆ្លាម សមុទ្រ
