សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ថ្ងៃអាទិត្យ ១១កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៥ ខែកុម្ភៈ ឆ្នាំ២០១៨ វេលាម៉ោង ២១និង២០នាទី លើផ្លូវជាតិលេខ៤ ត្រង់ចំណុច ស្ថានីយប្រេងឥន្ធនៈតូតាល់ឃ្លាំងលើ ស្ថិតនៅក្នុងភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាង រថយន្ត១គ្រឿងម៉ាក FORD ពណ៌ទឹកប្រាក់ ពាក់ស្លាកលេខភ្នំពេញ2G-8621 បើកបរដោយឈ្មោះ សៅ កក្កដា ភេទប្រុស អាយុ ៣៦ឆ្នាំ មុខរបរ វិស្វរករ មានទីលំនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ មានទិសដៅពីខេត្តព្រះសីហនុ ឆ្ពោះទៅភ្នំពេញ លុះដល់ចំណុចខាងលើ ក៏បានបុកនឹងម៉ូតូ១គ្រឿង ម៉ាក HONDA C125 ពណ៌ ខ្មៅ ពាក់ស្លាកលេខ ព្រះសីហនុ 1G-5791 បើកបរដោយឈ្មោះ ណី ភារម្យ ភេទ ប្រុស អាយុ ២២ឆ្នាំ មានទីលំនៅឃុំព្រៃស្លឹក ស្រុកទ្រាំង ខេត្តតាកែវ ដែលមានទិសដៅផ្ទុយគ្នា ។
គ្រោះថ្នាក់នេះ បណ្ដាលឲ្យស្លាប់មនុស្សម្នាក់ ឈ្មោះ ណី ភារម្យ អ្នកបើកបរម៉ូតូ នៅនឹងកន្លែងកើតហេតុ បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។
ចំណែកអ្នកបើកបររថយន្តបាននាំខ្លួនមកកាន់ការិយាល័យនគរបាលចរាចរណ៍ផ្លូវគោក។
រីឯវត្ថតាងរថយន្ត និង ម៉ូតូបានយកមករក្សាទុកនៅការិយាល័យនគរបាលចរាចរណ៍ផ្លូវគោក៕ ឆ្លាម សមុទ្រ
