សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ ទិដ្ឋភាពការដ្ឋានសាងសង់ឡើងវិញទំនប់ស្ទាក់ទឹក អន្សងនាវ ស្ថិតក្នុងឃុំណាំតៅ ស្រុកភ្នំស្រុក ខេត្តបន្ទាយមានជ័យ ដែលបច្ចុប្បន្នសម្រេចការងារបានប្រមាណ ៣០ភាគរយ ។
គួររំលឹកផងដែរថា ទំនប់ស្ទាក់ទឹក អន្សងនាវ ត្រូវបានបើកដ្ឋានដំណើរការសាងសង់ឡើងវិញ ក្នុងគោលបំណងស្ទាក់ទឹកស្ទឹង ចំនួន ០៣ រួមមាន ស្ទឹងស្រង់ ស្ទឹងក្រសាំង និងស្ទឹងកំពង់ក្រសាំង ដើម្បីបង្វែរទៅរក្សាទុកក្នុងអាងត្រពាំងថ្មផង ប្រើប្រាស់ប្រចាំថ្ងៃផង និងស្រោចស្រពដំណាំកសិកម្មផង ។
ការងារសាងសង់ដែលត្រូវអនុវត្ត រួមមាន ៖
– សាងសង់ផ្លូវចូលទំនប់ប្រវែង ៣.០០០ ម៉ែត្រ
– សាងសង់ឡើងវិញទំនប់ស្ទាក់ទឹក ប្រវែង ១.១០០ ម៉ែត្រ
– សាងសង់សំណង់បង្ហៀរលើទំនប់ប្រវែង ៣០ ម៉ែត្រ ដោយបំពាក់ទ្វារទឹក ០២ សន្លឹក ចំនួន ០១ កន្លែង
– ជីកប្រឡាយ ០១ ខ្សែ ប្រវែង ២.០០០ ម៉ែត្រ ៕
