សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍ភ្ញាក់ផ្អើលមួយ បន្ទាប់ពីប្រជាពលរដ្ឋប្រទះឃើញសពយុវជនម្នាក់ ត្រូវបានជនមិនស្គាល់មុខ អារកសម្លាប់ ឱបជាប់នឹងគល់ឈើនៅក្នុងថ្លុកឈាមយ៉ាងព្រៃផ្សៃ ចំណែកក្រុមឃាតកបានរត់គេចខ្លួនបាត់អស់ ។
ហេតុការណ៍ខាងលើបានបង្កឲ្យមានការភ្ញាក់ផ្អើលឡើងកាលពីវេលាម៉ោង៦និង៣០នាទីព្រឹក ថ្ងៃព្រហស្បតិ៍ ១៤រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៥ ខែមីនា ឆ្នាំ២០១៨ នៅលើដីវាលត្រង់ចំណុចមុខរោងចក្របឺរី ស្ថិតនៅក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ។
យុវជនរងគ្រោះមិនត្រូវបានគេស្គាល់អត្តសញ្ញាណនៅឡើយទេ មានអាយុប្រហែលជាង២០ឆ្នាំ ស្លៀកខោជើងវែង ពណ៌ស្ករ ពាក់អាវដៃវែងពណ៌ស ដែលជនរងគ្រោះត្រូវបានឃាតកអារកសម្លាប់ ។ ដោយឡែកនៅក្បែរខ្លួនសាកសពមានជាប់បបរឆាខ្វៃ និងកំប៉ុងភេសជ្ជៈគោជល់ និងទូរស័ព្ទដៃ១គ្រឿងផងដែរ ហើយនគរបាលបានកំពុងការស្រាវជ្រាវដើម្បីវែកមុខឃាតក ។
តាមប្រភព័ត៌មានបានឲ្យដឹងថា នៅមុនពេលមានការភ្ញាក់ផ្អើលអ្នកភូមិ និងកម្មករធ្វើដំណើរឆ្លងកាត់ទីនោះ បានប្រទះឃើញសាកសពខាងលើ ក៏បានរាយការណ៍ជូននគរបាលប៉ុស្តិ៍ត្រពាំងក្រសាំង និងនគរបាលព្រហ្មទណ្ឌណ្ឌពោធិ៍សែនជ័យចុះទៅពិនិត្យមើល ។ បន្ទាប់មក នគរបាលមូលដ្ឋានបានរាយការណ៍បន្តទៅកាន់នគរបាលបច្ចេកទេស នៃស្នងការដ្ឋាននគរបាលរាជធានីភ្នំពេញចុះទៅពិនិត្យកោសល្យវិច័យ និងស្រាវជ្រាវបន្ត ៕ សុខាសែនជ័យ
