សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ រថយន្ដដឹកអេតចាយ ចេញពីក្រុងព្រះសីហនុ ដល់បិតត្រាំង បុកឡានដឹកកុងតឺន័រពីក្រោយ បណ្ដាលឲ្យស្លាប់ម្នាក់ និងរងរបួស៣នាក់ ។
ហេតុការគ្រោះថ្នាក់ចរាចរនេះកើតឡើងនៅវេលាម៉ោង២៣និង១០នាទី ថ្ងៃសុក្រ ៧កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី២៣ ខែមីនា ឆ្នាំ២០១៨ នៅលើផ្លូវជាតិលេខ៤ចន្លោះគីឡូម៉ែត្រ២១៤-២១៥ស្ថិតនៅភូមិចំណោតរាម ឃុំបិតត្រាំង ស្រុកព្រៃនប់ ។
១-ឈ្មោះ ទិត្យ ពិន ភេទ ប្រុស ៣៧ឆ្នាំ មានទីលំនៅភូមិអូរឧកញ៉្ញាហេង ឃុំអូរឧកញ៉្ញាហេង ស្រុកព្រៃនប់ ស្លាប់នៅនឹងកន្លែងកើតហេតុ ។
២-ឈ្មោះណាំ ហុង ភេទ ប្រុស អាយុ ៣២ឆ្នាំ មានទីលំនៅភូមិបឹងរាំង ឃុំសាមគ្គី ស្រុកព្រៃនប់ រងរបួសបាក់ជើង។
៣-ឈ្មោះ ភាន់ ភិន ភេទ ប្រុស អាយុ ៣៣ឆ្នាំ មានទីលំនៅភូមិបឹងរាំង ឃុំសាមគ្គី ស្រុកព្រៃនប់ រងរបួសបាក់ជើង ។
៤-ឈ្មោះឡូច ភេទ ប្រុស អាយុ ២៤ឆ្នាំ មានទីលំនៅភូមិទួល ឃុំទឹកល្អក់ ស្រុកព្រៃនប់ រងរបួសបាក់ជើង ។
ជនរងគ្រោះទាំងអស់ជាអ្នកជិះលេីរថយន្តដឹកទំនិញអេតចាយ។ អ្នករងរបួសទាំងអស់បានបញ្ជូនទៅសង្គ្រោះនៅគ្លីនិកមិត្តភាព។
អ្នកបើកបររថយន្តឈ្មោះថុន ចិត្រា បានគេចខ្លួន។
រថយន្តដឹកអេតចាយ ខូចខាតកំរិតធ្ងន់ សមត្ថកិច្ចជំនាញកំពុងចាត់ចែងស្ទូចយកចេញពីកន្លែងកើតហេតុ យកមករក្សាទុកនៅការិយាល័យនគរបាលចរាចរណ៍ផ្លូវគោក ៕ ឆ្លាម សមុទ្រ
