សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ សមត្ថកិច្ចនគរបាលឃាត់ខ្លួនជនសង្ស័យម្នាក់ករណីហិង្សាដោយចេតនា ខណៈចេញពីញាំការស្រវឹងដូចគ្នា ឃើញជនរងគ្រោះ តាមញ៉ែបងស្រី របស់ខ្លួន ក៏មានគំនិតខឹង ក៏ស្ទុះទៅចាប់វ៉ៃ ទាត់ធាក់ បណ្តាលឱ្យរបួសធ្ងន់ ដឹកយកមកសង្គ្រោះនៅមន្ទីរពេទ្យបង្អែកខេត្តសៀមរាប ។
ហេតុការណ៍បង្កអំពើហិង្សាដោយចេតនានោះ បានកើតឡើងនៅចំណុចវាលស្រែ ខាងលិចភូមិជ័យបូរ ចម្ងាយ១៧០ម៉ែត្រ ក្បែរប្រឡាយទឹក ក្នុងភូមិជ័យបូរ ឃុំពង្រក្រោម ស្រុកជីក្រែង ខេត្តសៀមរាប កាលពីម៉ោង ១៤ និង ៣០នាទី រសៀល ថ្ងៃសៅរ៍ ៧កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២១ ខែមេសា ឆ្នាំ២០១៨ ។
លោក ឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែន ព្រហ្មទណ្ឌ នៃស្នងការនគរបាលខេត្ត បានប្រាប់នៅព្រឹកថ្ងៃទី២២ខែមេសាឆ្នាំ២០១៨នេះថា ក្រោយពីទទួលពត័មាននៅរសៀលថ្ងៃទី២១ ខែមេសា ឆ្នាំ២០១៨ សមត្ថកិច្ចបានឃាតខ្លួនជនសង្ស័យឈ្មោះ ហួត គឹមហ៊រ ភេទប្រុសអាយុ២៦ឆ្នាំរស់នៅភូមិ កើតហេតុខាងលើ(ពីបទហិង្សាដោយចេតនា មានស្ថាន ទម្ងន់ទោស)បានវាយនិងដៃ ទាត់ធាក់ តន្ត្រំ និងជើង ទៅលើជនរងគ្រោះ ឈ្មោះ ពៀត ជន ភេទប្រុស អាយុ៣៣ឆ្នាំ នៅភូមិថ្មី ឃុំ ពង្រក្រោម ស្រុកជីក្រែង ខេត្តសៀមរាប បណ្តាលឱ្យរបួសធ្ងន់ រហូតសន្លប់ បាត់ស្មារតី ខណ:ពេលដែល ជនរងគ្រោះចេញ ពីស៊ីការ ហើយមាន លក្ខណ:ស្រវឹងស្រាផង ពេលនេះត្រូវបានបញ្ជូនទៅសង្រ្គោះបន្ទាន់ នៅពេទ្យបង្អែកសូទ្រនិគម ដោយសារស្ថានភាពធ្ងន់ធរ ក៏បញ្ជូនបន្តមកកាន់មន្ទីរពេទ្យបង្អែកខេត្តសៀមរាប ដើម្បីជួយសង្គ្រោះបន្ទាន់។ក្រោយពេលសមត្ថកិច្ចឃាត់ខ្លន ជនសង្ស័យបានសារភាពថា ខ្លួនបានប្រព្រឹត្តពិតប្រាកដ មែន ដោយ សារជនរងគ្រោះ ចេះតែមកទំនាក់ទំនង ស្នេហា ជាមួយបងស្រីរបស់ខ្លួន ។
បច្ចុប្បន្នជនសង្ស័យ ត្រូវបានសមត្ថកិច្ចជំនាញរៀបចំកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់ ៕ ប៊ុន រិទ្ធី
