សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ លោក ឧកញ៉ា កុយ សុវណ្ណ ក្រុមការងារថ្នាក់កណ្តាល និងជា អនុប្រធានក្រុមការងារចុះជួយស្រុកកំពង់ត្រឡាច បានថ្លែងថា ក្រោមការដឹកនាំរបស់ សម្តេចតេជោ ហ៊ុនសែន ជានាយករដ្ឋមន្ត្រី និងជាប្រធានគណបក្សប្រជាជនកម្ពុជា បានធ្វើឲ្យវិស័យព្រះពុទ្ធសាសនាមានការ រីកចម្រើននៅគ្រប់មូលដ្ឋានដែលនេះក៏ ដោយសារប្រទេសជាតិមានសុខសន្តិភាព បរិបូណ៌ពេញផ្ទៃប្រទសនិងក៏ដោយសារមានការ គាំទ្រចូលរួមពីប្រជាពលរដ្ឋទាំង ក្នុងប្រទេសនិងក្រៅប្រទេសផងដែរ ។ លោកឧកញ៉ាបានថ្លែងបែបនេះនៅព្រឹកថ្ងៃអាទិត្យ ១៥កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៩ ខែមេសា ឆ្នាំ២០១៨ ក្នុងពិធីសម្ពោធមហាកុដិវត្ត កំពង់ត្រឡាចក្រោម ភូមិកំពង់ត្រឡាច ឃុំ-ស្រុកកំពង់ត្រឡាច ។
លោក កុយ សុវណ្ណ បានថ្លែងបន្តថា ដើម្បីឲ្យប្រទេសជាតិមានស្ថិរភាពនិងមានសុខសន្តិភាពគឺអាស្រ័យដោយប្រជាពល រដ្ឋជាម្ចាស់ឆ្នោតជាអ្នកសម្រេចបើយើងបោះឆ្នោតខុសនោះអាចនាំឲ្យប្រទេសជាតិធ្លាក់ក្នុងភាពវឹកវរ អស្ថិរភាព តែបើយើងបោះឆ្នោតឲ្យគណបក្សប្រជាជនកម្ពុជា ដែលមានបទពិសោធន៍ជិត៤០ឆ្នាំកន្លង មកហើយនោះដឹកនាំប្រទេសជាតិបន្តទៀត សុខសន្តិភាពនិងកាអភិវឌ្ឍប្រាកដជាកើតមានជារៀងរហូត ។
លោកឧកញ៉ាក៏បានសំណូមពរផងដែរដល់ប្រជាពលរដ្ឋទាំងអស់សូមទៅបោះឆ្នោតនៅថ្ងៃទី២៩ ខែកក្កដា ខាងមុខនេះឲ្យបានគ្រប់ៗគ្នាដើម្បីជ្រើសរើសតំណាងរាស្ត្រស្របច្បាប់ការពារផលប្រយោជន៍ឲ្យយើងទាំងអស់គ្នានិងដឹកនាំប្រទេសជាតិទៅកាន់ភាពសំបូរសប្បាយរុងរឿង ។
នៅក្នុងពិធីនេះលោក សន សំអាត អភិបាលរងស្រុកកំពង់ត្រឡាចបានរាយការណ៍ឲ្យដឹងថា ស្ថិតនៅក្រោមដំបូលសន្តិភាពក្រោមការដឹកនាំរបស់សម្ដេចតេជោហ៊ុនសែនប្រមុខរាជរដ្ឋាភិបាលកម្ពុជាជិត៤០ឆ្នាំមកនេះ វត្តកំពង់ត្រឡាចក្រោម កសាងបាននូវសមិទ្ធផលយ៉ាងច្រើនគួរជាទីមោទនៈដោយចំណាយថវិកាអស់ថវិកាជាង១៤០ម៉ឺនដុល្លារនិងនៅក្នុងពេលថ្មីៗនេះបានកសាងមហាកុដិមួយខ្នងទៀត អស់ថវិកា៦៧.៥០០ដុល្លារ ដែលបានដាក់សម្ពោធក្នុងពេលនេះ ។ ជំនួសមុខឲ្យប្រជាពលរដ្ឋក្នុងស្រុកកំពង់ត្រឡាចសូមថ្លែងអំណរគុណយ៉ាងជ្រាវជ្រៅចំពោះលោកឧកញ៉ាកុយ សុវណ្ណ និងសប្បុរសជនទាំងក្នុងនិងក្រៅប្រទេសដែលបាន ចូលបច្ច័យកសាងសមិទ្ធផលទាំងអស់ ខាងលើនេះ ។
នៅក្នុងពិធីនេះលោកឧកញ៉ាកុយ សុវណ្ណ បានចូលបច្ច័យកសាងវត្តចំនួន៥លានរៀលនិងបានចែកសារុងម្នាក់មួយៗជូនប្រជាពលរដ្ឋចំនួន៥០០នាក់ផងដែរ ៕ សូរិយា
