សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ជនសង្ស័យមនាក់ត្រូវបានកម្លាំងនគរបាលក្រុងច្បារមនឃាត់ខ្លួន ខណៈដែលជនសង្ស័យរូបនោះបានធ្វើសកម្មភាពលួចទ្រព្យសម្បត្តិអ្នកដទៃបានព្យាយាមរត់គេចខ្លួនប៉ុន្តែម្ចាស់ឃើញទាន់បានរាយការណ៍ទៅនគរបាលឃាត់ខ្លួនបានកាលពីវេលាម៉ោង ១២ និង២០នាទី ថ្ងៃអាទិត្យ ១៤រោច ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៣ ខែឧសភា ឆ្នាំ២០១៨ នៅក្នុងភូមិខោប សង្កាត់រកាធំ ក្រុងច្បារមន ខេត្តកំពង់ស្ពឺ។
តាមសម្តីរបស់មន្ត្រីនគរបាលក្រុងច្បារមនបាននិយាយឲ្យដឹងថា យុវជនសង្ស័យដែលនគរបាលឃាត់ខ្លួនមានឈ្មោះសុន វ័រ អាយុ១៨ឆ្នាំ មុខរបរមិនពិតប្រាកដ មានទីលំនៅនៅក្នុងភូមិខោប សង្កាត់រការធំ ក្រុងច្បារមន ខេត្តកំពង់ស្ពឺ ។
បើតាមសម្តីរបស់ប្រជាពលរដ្ឋបានរាយការណ៍ទៅនគរបាលមូលដ្ឋានថា បានឃើញយុវជនសង្ស័យខាងលើបានធ្វើសកម្មភាពលួចទ្រព្យសម្បត្តិប្រជាពលរដ្ឋនៅក្នុងភូមិ សង្កាត់ ជាមួយគ្នាពេលឃើញដូចនោះប្រជាពលរដ្ឋបានប្តឹងឲ្យកម្លាំងនគរបាលប៉ុស្តិ៍រដ្ឋបាល សង្កាត់រកាធំ ឃាត់ខ្លួនយុវជនសង្ស័យរូបនោះតែម្តងទៅ ។
នគរបាលបានបន្តថាបន្ទាប់ពីឃាត់ខ្លួនបានយុវជនសង្ស័យហើយជនសង្ស័យបានសារភាពថា រូបគេបានចូលលួចយកធុងហ្គាសចំនួន០១គ្រឿង ដែលមានទម្ងន់១៧គីឡូក្រាម ម៉ូទរ័ម៉ាស៊ីនបូមទឹក និងទុកកិនស្រូវចំនួន០១ ក្បាលខ្យល់កាត់ចំនួន០១ត្បាល់កិនស្រូវចំនួន០១ម៉ូលីម៉ាស៊ីនចំនួន០៣គ្រឿងថែមទៀតផង។
ក្រោយពីឃាត់ខ្លួនបានយុវជនសង្ស័យរួមជាមួយវត្ថុតាងករណីខាងលើអធិការនគរបាលក្រុងច្បារមនកំពង់កសាងសុំណុំរឿងបញ្ជូនជនសង្ស័យ និងវត្ថុតាងស្នងការដ្ឋាននគរបាលខេត្ត និងបញ្ជូនបន្តទៅសាលាដំបូងខេត្តកំពង់ស្ពឺចាត់ការតាមផ្លូវច្បាប់ ៕ សេនា សក្តិ
