សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ស្រ្តីម្នាក់បានយកកាំបិតផ្គាក់ទៅកាប់សម្លាប់ប្តីរួចប៉ងធ្វើអត្តឃាតចង.កតាមក្រោយ ដោយសារតែខឹងនឹងមានជំងឺរ៉ាំរ៉ៃមើលមិនជាទាំងពីរនាក់ប្តីប្រពន្ធ ។
ហេតុការណ៍នេះបានកើតឡើង នៅថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែឧសភា ឆ្នាំ២០១៨ ត្រង់ចំណុចផ្ទះចម្ការស្វាយចន្ទី ស្ថិតក្នុងភូមិផាកណាម ឃុំកោះពាក្យស្រុកវើនសៃខេត្តរតនគិរី។
ប្រភពពីសមត្ថកិច្ចបានឲ្យដឹងថា ប្ដីជាជនរងគ្រោះមានឈ្មោះ ក្លើស កាទឹម អាយុ៥៣ឆ្នាំ ត្រូវប្រពន្ធកាប់នឹងកាំបិតផ្គាក់ចំ.កបណ្តាលឲ្យរងរបួសធ្ងន់ ។ ចំណែកប្រពន្ធដែលកាប់ប្ដីនោះមានឈ្មោះ គឹត ស៊ុន អាយុ៤៤ឆ្នាំ អ្នកទាំងពីរ ជនជាតិគ្រឹងដូចគ្នា មានទីលំនៅភូមិ ឃុំកើតហេតុខាងលើ ។
សាច់ញាតិរបស់ប្ដីប្រពន្ធទាំងពីរនាក់ បានឲ្យដឹងថា ប្ដីប្រពន្ធនេះមានជំងឺរ៉ាំរ៉ៃជាច្រើនខែមកហើយ បើទោះជាទៅឲ្យគ្រូបុរាណ និងទៅពេទ្យព្យាបាល ជាច្រើនកន្លែង ក៏នៅតែមិនជា ហើយប្រពន្ធក៏ព្យាយាមលួចទៅចង.កសម្លាប់ខ្លួនជាច្រើនលើកមកហើយ តែត្រូវប្ដីតាមទាន់បានរារាំង លួងលោមប្រពន្ធកុំឲ្យទៅចង.ក ។ ពីរនាក់ប្ដីប្រពន្ធតែងតែគួកច្របាច់ឲ្យគ្នាទៅវិញទៅមកជារៀងរាល់ព្រឹកចេះតែមានអាការៈ រមូលក្នុងពោះវៀន និងក្អួតចង្អោរ ។
នៅថ្ងៃកើតហេតុ ប្ដីក៏មានអាការៈដូចសព្វដង ក៏ហៅប្រពន្ធឲ្យគួកខ្នងឲ្យដូចធម្មតា ប្រពន្ធអង្គុយគួកខ្នង ស្រាប់តែលួចទាញយកកាំបិតផ្គាក់មកកាប់ពីក្រោយចំកញ្ជឹងកតែម្តងបណ្តាលឲ្យរងរបួសធ្ងន់ ។ ចម្លើយពីខាងប្រពន្ធថា គាត់មានបំណងសម្លាប់ប្ដីហើយ ទើបទៅចង.កសម្លាប់ខ្លួនឯងតាមក្រោយ។
លោកអធិការបន្តទៀតថា ករណីនេះលោកមិនបានចាត់វិធានការតាមច្បាប់ទេ ដោយមានការសម្របសម្រួលពីព្រះរាជអាជ្ញាអមសាលាដំបូងខេត្ត ។
យោងតាមអ្នកទាំងពីរមានអាការៈធ្ងន់ធ្ងរគឺលោកបានយកទៅង្គ្រោះបន្ទាន់នៅមន្ទីរពេទ្យបង្អែកខេត្តផងដែរ ៕ ជីវ័ន្ត
