សារព័ត៌មាន នគរវត្ត តែងតែនាំមុខគេជានិច្ច
ភ្នំពេញោ៖ នៅរសៀលថ្ងៃព្រហស្បតិ៍ ១រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៨ ខែមិថុនា ឆ្នាំ២០១៨ វេលាម៉ោង១៤និង០០នាទី ការិយាល័យស៊ើបអង្កេត និងអនុវត្តនីតិវិធី បានទទួលជនបរទេស ចំនួន០១នាក់ ឈ្មោះ UWE BERGMANN ភេទប្រុស អាយុ៥៧ឆ្នាំ ជនជាតិអាល្លឺម៉ង់ ពីកម្លាំងនគរបាលរដ្ឋបាលប៉ុស្តិ៍បឹងព្រលិត ករណីជននេះ គ្មានទីលំនៅច្បាស់លាស់ គ្មានមុខរបរ និងការស្នាក់នៅលើទិដ្ឋាការ ។
បន្ទាប់ពីឃាត់ខ្លួនរួច កម្លាំងការិយាល័យបានត្រួតពិនិត្យឯកសារ ឃើញថាជននេះចូលមកប្រទេសកម្ពុជាដំបូងនៅថ្ងៃទី១៧ ខែមីនា ឆ្នាំ២០១៧ តាមច្រកអន្តរជាតិប៉ោយប៉ែត រយៈកាលដែលស្នាក់នៅកម្ពុជា គ្មានការងារធ្វើ គ្មានទីលំនៅច្បាស់លាស់ ដើរដេកតាមដងផ្លូវសាធារណៈ និងការស្នាក់នៅលើសទិដ្ឋាការ (ផុតកំណត់ថ្ងៃទី ១៧.០៤.២០១៧)។
បច្ចុប្បន្នជនជាតិអាល្លឺម៉ង់រូបនេះ ត្រូវបានបញ្ជូន ទៅអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ៕ស តារា
