សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នគរបាលប៉ុស្តិ៍រដ្ឋបាល ធិបតីបានឃាត់ខ្លួនបុរសជាឪពុកចុង ពីបទបៀតបៀន កេរ្តិ៍ខ្មាសកូនប្តីដើមរបស់ប្រពន្ធ បន្ទាប់ពីទទួលបានពាក្យបណ្តឹងពីស្រី្តជាប្រពន្ធ និងជាម្តាយ បង្កើតរបស់ក្មេងស្រីរងគ្រោះ ។
ការឃាត់ខ្លួនបុរសនេះបានប្រព្រឹត្តទៅកាលពី ថ្ងៃ ចន្ទ ៤ កើត ខែ ទុតិយាសាឍ ឆ្នាំ ច សំរឹទ្ធិស័ក ព.ស.២៥៦២ ត្រូវនឹង ថ្ងៃទី១៦ ខែកក្កដា ឆ្នាំ២០១៨ នៅចំណុចភូមិឆាយបល្ល័ង្គ ឃុំធិបតី ស្រុគាស់ក្រឡង ខេត្តបាត់ដំពង។
នគរបាលប៉ុស្ដិ៍ធិបតី បានឲ្យដឹងថា ជនសង្ស័យឈ្មោះ យឹង ស ភេទប្រុស អាយុ៤៧ឆ្នាំ មុខរបរធ្វើស្រែមានទីលំនៅភូមិឆាយរំពាត់ ឃុំកន្ទឺ២ ស្រុកបាណន់ ខេត្តបាត់ដំបង និងបានទៅធ្វើការនៅភូមិឃុំកើតហេតុខាងលើ។ ជនសង្ស័យរូបនេះ ត្រូវជាឪពុកចុងរបស់ជនរងគ្រោះឈ្មោះ ជ.ស.ម ភេទ ស្រី អាយុ១៣ឆ្នាំ រស់នៅក្នុងបន្ទុកម្តាយ និង ជនសង្ស័យខាងលើ។
តាមពាក្យបណ្តឹងរបស់ម្តាយក្មេងស្រីរងគ្រោះបានឲ្យដឹងថា នៅថ្ងៃកើតហេតុពេលគាត់ជាម្តាយចេញទៅក្រៅមួយភ្លែត ស្រាប់តែជនសង្ស័យជាប្តី និងត្រូវជាឪពុកចុងកូនស្រីរូបនេះ បានធ្វើសកម្មភាពចាប់ឱបស្ទាបប្រដាប់ភេទកូនស្រីរបស់គាត់ និងបម្រុងចាប់រំលោភទៀត ប៉ុន្តែគាត់ ជាប្រពន្ធបានមកទាន់ ហើយបានមកប្តឹងនៅប៉ុស្ដិ៍នគរបាលរដ្ឋបាលធិបតី ទើបឈានឃាត់ខ្លួនជនសង្ស័យបានតែម្ដង។
នៅចំពោះមុខសមត្ថកិច្ចឪពុកចុងស្រេកឃ្លានតណ្ហារូបនេះ បានសារភាពថា ខ្លួនគេពិតជាបាន លូកស្ទាបអង្អែលប្រដាប់ភេទ និងបម្រុងរំលោភកូនប្តីដើមរបស់ប្រពន្ធចុងប្រាកដមែន ដោយ សារស្រវឹងស្រា ។
បន្ទាប់ពីទទួលចម្លើយនេះកម្លាំងជំនាញបាន និងកំពុងកសាងសំណុំរឿងបញ្ជូនទៅស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី ៕ សហការី
