សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅរសៀលថ្ងៃចន្ទ ១១កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៣ ខែកក្កដា ឆ្នាំ២០១៨ សមត្ថកិច្ចនគរបាលខេត្តព្រះសីហនុ និងកងរាជអាវុធហត្ថខេត្ត បានសហការ គ្នាចុះតាមដងផ្លូវសាធារណៈ ក្នុងក្រុងព្រះសីហនុ ដេីម្បីឆែកឆេររុករក អាវុធជាតិផ្ទុះ និងត្រួតពិនិត្យ គ្រឿងញៀន ត្រួតពិនិត្យអ្នកបើកបរមានផ្ទុក សារធាតុញៀន ឬ ជាតិស្រវឹង និងត្រួតពិនិត្យ អ្នកបើកបររថយន្តគ្មានប័ណ្ណបើកបរ ឬ ប្រេីប្រាស់ប័ណ្ណបើកបរ មិនត្រឹមត្រូវ ដេីម្បីបង្ការទប់ស្កាត់បទល្មើសគ្រប់ប្រភេទ រួមចំណែកថែរក្សាសន្តិសុខសណ្តាប់ធ្នាប់ សាធារណៈជូនប្រជាពលរដ្ឋ ឲ្យមានស្ថិរភាព កាន់តែល្អប្រសើរឡើង ។
ជាលទ្ធផល បានធ្វើការត្រួតពិនិត្យយានយន្តចំនួន១០៥ គ្រឿង ពុំបានរកឃើញអាវុធជាតិផ្ទុះ ឬ គ្រឿងញៀន នោះឡើយ។ តែរកឃេីញ ជនជាតិចិនដែលបេីករថយន្ត គ្មានប័ណ្ណបើកបរ និងមានបណ្ណបើកបរមិន ត្រឹមត្រូវចំនួន២៥គ្រឿង។ ធ្វេីការផាកពិន័យ ចំនួន៥គ្រឿង រីឯ ២០គ្រឿងទៀត បានយកមករក្សាទុកនៅការិយាល័យនគរបាល ចរាចរណ៍ផ្លូវ គោក ដេីម្បីកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់ ៕ ឆ្លាម សមុទ្រ
