រថយន្តហ្វ័តរ៉េនន័របើកបុកម៉ូតូ៣គ្រឿងបណ្តាលឲ្យរងរបួសធ្ងន់៣នាក់

ភ្នំពេញ៖ បុរសម្នាក់ទំនងជាស្រវឹងស្រាបើករថយន្តមួយគ្រឿងយ៉ាងលឿនចុះពីលើស្ពានជ្រោយចង្វាបានជ្រុលបុកម៉ូតូ៣គ្រឿងបណ្តាលឲ្យមនុស្ស៣នាក់រងរបួសធ្ងន់ស្រាល ។ ហេតុការណ៍នេះបានកើតឡើងពីម៉ោងជាង៧យប់ ថ្ងៃអង្គារ ១២កើត ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៤ ខែកក្កដា ឆ្នាំ២០១៨ នៅក្បែររង្វង់មូលព្រហ្មមុខបួន ស្ថិតនៅក្នុងសង្កាត់-ខណ្ឌជ្រោយចង្វា ។

ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកហ្វ័តរ៉េនន័រ ពណ៌ទឹកប្រាក់ពាក់ស្លាកលេខភ្នំពេញ2C-3144 បើកចុះមកពីលើស្ពានជ្រោយចង្វាវិញបត់ពីរង្វង់មូលព្រហ្មមុខបួនហើយបត់ទៅផ្លូវកែវចិន្តា ហើយរថយន្តបានរេចង្កូតទៅបុកម៉ូតូ៣គ្រឿងទី១ម៉ូតូZoomer-Xពណ៌ទឹកក្រូចពាក់ស្លាកលេខភ្នំពេញ1DH-3029ទីម៉ូតូហុងដាឌ្រីមសេ១២៥ពណ៌ខ្មៅ2014ពាក់ស្លាកលេខកំពុងស្ពឺ1G-0522 នឹងទី៣ម៉ូតូហុងដាឌ្រីមសេ១២៥ ដែលម៉ូតូទាំងនោះឈប់ទិញបាយហូបបណ្តាលឲ្យម្ចាស់ម៉ូតូទាំង៣គ្រឿងរងរបួសធ្ងន់ស្រាល៣នាក់ ។ ភ្លាមៗនោះខាងម្ចាស់ម៉ូតូហុងដាឌ្រីមត្រូវបានភាគីខាងរថយន្តសងសំណងរួចនៅកន្លែងកើតហេតុហើយក៏បសនបើកម៉ូតូចេញទៅបាត់ ។

បន្ទាប់ពីកើតហេតុរថយន្តបង្កនឹងម៉ូតូរងគ្រោះ២គ្រឿងទៀតដែលដោះស្រាយមិនត្រូវគ្នា ត្រូវបានសមត្ថកិច្ចវាស់វែងយកទៅរក្សាទុកនៅប៉ុស្តិ៍ជ្រោយចង្វាដើម្បីដោះស្រាយគ្នានៅពេលក្រោយទៀត៕ ជ្រោយពេជ្រ