សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ ទីតាំងសង្ស័យប្រព្រឹត្ដបទល្មើសជួញដូរ និងប្រើប្រាស់គ្រឿងញៀន១កន្លែង ស្ថិតនៅក្នុងផ្ទះរបស់ឈ្មោះ ស្រេង ពិសិដ្ឋ ភេទប្រុស អាយុ ២៨ឆ្នាំ នៅភូមិក្រាំងល្ហុង ឃុំមហាសាំង ស្រុកភ្នំស្រួច ត្រូវកម្លាំងនគរបាលបង្រ្កាប កាលពីវេលាម៉ោង១០ និង ៣០នាទីព្រឹក ថ្ងៃពុធ ៣កើត ខែភទ្របទ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១២ ខែកញ្ញា ឆ្នាំ២០១៨ ដោយឃាត់បានមុខសញ្ញាសង្ស័យពាក់ព័ន្ធចំនួន ០៦ នាក់ ។
ជនសង្ស័យ ឈ្មោះ ស្រេង ពិសិដ្ឋ ភេទប្រុស អាយុ ២៨ឆ្នាំ(ជាម្ចាស់ផ្ទះ),ឈ្មោះ ឃុន សុផា ភេទប្រុស អាយុ ១៩ឆ្នាំ នៅភូមិ ក្រាំងល្ហុង ឃុំមហាសាំង , ឈ្មោះ កែវ សុភ័ក្ដ្រា ភេទប្រុស អាយុ ១៩ឆ្នាំនៅភូមិក្រាំងល្ហុង ឃុំមហាសាំង, ឈ្មោះ លី បញ្ញាកា ភេទស្រី អាយុ ២៩ឆ្នាំ នៅភូមិតាំងស្រឡៅ(ថ្នល់រទេះភ្លើង) ឃុំតាំងស្យា , ឈ្មោះជា រដ្ឋា ភេទស្រី អាយុ ២៧ ឆ្នាំ នៅភូមិតាំងស្រឡៅ(ថ្នល់រទេះភ្លើង) ឃុំតាំងស្យា និងឈ្មោះជា វណ្ណា ភេទស្រីអាយុ ២៧នៅភូមិតាំងស្រឡៅ(ថ្នល់រទេះភ្លើង)ឃុំតាំងស្យា។
សមត្ថកិច្ចចាប់យកវត្ថុតាង ម្សៅក្រាមពណ៍ស ថ្លាចំនួន ១០កញ្ចប់(សង្ស័យជាគ្រឿងញៀន), កន្ត្រៃយ៍ កាត់ ០២ គ្រឿង, ថង់ប្លាស្ទិច ចំនួន ០២ ដុំ, អាវុធកែឆ្នៃ ស្នប់ខ្យល់ ០១ ដើម, ទូរស័ព្ទដៃ ចំនួន ០២គ្រឿង, ខ្សៀជក់គ្រឿងញៀន ០៥ , ដែកកេះ៣ និងឧបករណ៍សំរាប់ប្រើប្រាស់គ្រឿងញៀនមួយចំនួនទៀត។
តាមការបញ្ជាក់ពីលោកវរសេនីយ៍ឯក សាយ ប៊ុនថនអធិការនគរបាលស្រុក បានឲ្យដឹងថា ដោយមានការផ្ដល់ព័ត៌មានពីសំណាក់ភ្នាក់ងារពលរដ្ឋល្អកំលាំងបានស្រាវជ្រាវរហូតឈានដល់បង្រ្កាបបានដូចពេលនេះ។
បច្ចុប្បន្នជនសង្ស័យរួមនឹងវត្ថុតាង ស្រុកបានកសាងសំណុំរឿងបញ្ជូនទៅការិយាល័យជំនាញខេត្ដដើម្បីចាត់ការតាមនីតិវិធី ៕ សេនាស័ក្តិ
