សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីវេលាម៉ោង ១១:៤០នាទី ថ្ងៃសៅរ៍ ៥រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍មួយករណីកើតឡើងរវាងម៉ូតូនិងម៉ូតូ នៅចំណុចបេនឡានផ្សារក្រោម ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បណ្ដាលឲ្យមនុស្សចំនួន ០២នាក់ រងរបួសធ្ងន់និងស្រាល។
អ្នករងរបួស ទី ០១-ឈ្មោះទ្រី ត្រា ភេទប្រុស អាយុ ២២ ឆ្មាំ មានទីលំនៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ជិះម៉ូតូម៉ាក HONDA DREAM សេរីឆ្នាំ២០១៨ ពណ៌ ខ្មៅ ពាក់ស្លាកលេខ បាត់ដំបង1AC-2492 (រងរបួសស្រាល)។
ទី ០២-ឈ្មោះ ឈឹម ទ្រព្យ ភេទស្រី អាយុ ២៧ឆ្នាំ មានទីលំនៅនៅភូមិទួលម្កាក់ ឃុំបឹងខ្នា ស្រុកបាកាន ខេត្តពោធិ៍សាត់ ជិះម៉ូតូម៉ាកHONDA DREAM សេរីឆ្នាំ២០១៣ ពណ៌ខ្មៅ គ្មានស្លាកលេខ (រងរបួលធ្ងន់) ត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តប៉ៃលិន។
ករណីខាងលើបណ្ដាលមកពីកត្តាមនុស្សបើកបរមិនគោរពច្បាប់ចរាចរណ៍ ហួសល្បឿនកំណត់ និងបត់ឆ្វេងស្ដាំដោយខ្វះការប្រុងប្រយ័ត្ន ។
បច្ចុប្បន្នវត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកសាលាក្រៅ ដើម្បីរង់ចាំដោះស្រាយ ៕
ស សារ៉េត
