សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ កាលពីវេលាម៉ោ១៦ ថ្ងៃទី៣០ ខែ កញ្ញា ឆ្នាំ ២០១៨ ជនរងគ្រោះ មិនស្គាល់អត្តសញ្ញាណបានដើរលើចិញ្ចើមផ្លូវជាតិលេខ 6A ត្រង់ចំណុចមុខហាងលក់កាហ្វេ ឈ្មោះ ចុង ស្រេង ភូមិស្វាយកាល់ ឃុំកកោះដើរទៅ ដើរមកច្រើនលើក ដោយមានកាន់ដំបងឈើមូលមួយ ប្រវែងប្រហែលមួយម៉ែត្រកន្លះ បានដើរបណ្តើរវាយក្បាលខ្លួនឯងបណ្តើរ និងស្រែកបណ្តើរថា ម៉ែអើយជួយផង ក្នុងនោះមានសាក្សីឈ្មោះ អៀត លីម ភេទប្រុស និងឈ្មោះ ប៊ុន គ្រី ភេទប្រុសបានឃើញផ្ទាល់ភ្នែកថា មានស្នាមពកជាំខ្មៅនៅលើថ្ងាស់ខាងមុខទៀតផង ។
លុះដល់វេលាម៉ោង៦និង២០នាទីព្រឹក ថ្ងៃទី១ ខែតុលា ឆ្នាំ ២០១៨ ក៏មានប្រជាពលរដ្ឋឈ្មោះ សោម សាវ៉ាត ភេទប្រុស ដែលនៅផ្ទះក្បែនោះ បានប្រទះឃើញ សាកសពដេកស្លាប់ដោយផ្កាប់មុខ នៅក្នុងជង្ហុកជាប់ផ្លូវជាតិក្បែរផ្ទះរបស់ខ្លួន ។
ឆ្លងតាមការស្រាវជ្រាវស៊ើបអង្កេតរបស់ផ្នែកជំនាញ ពិនិត្យ និងវិភាគទីកន្លែងកើតហេតុស្រុកសន្ទុក ដែលបានពិនិត្យលើរាងកាយរបស់សាកសព សន្និដ្ឋានបានថា: សាកសពជនវិកលចរិកមិនស្គាល់អត្តសញ្ញាណពិតជាបានស្លាប់ដោយ គាំងបេះដូងពិតប្រាកដមែន ពុំមានពាក់ព័ន្ឋនឹងអំពើឃាតកម្មឡើយ ៕ ប៊ុនរិទ្ធី
