សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ យ៉ាងហោចផ្ទះសម្បែងប្រជាពលរដ្ឋចំនួន ៧ខ្នងរងការខូចខាត់ របើកដំបូល និងដួលរមលំ និងរងរបួសមនុស្សប្រុស ស្រីចំនួន ៣នាក់ផងដែរ ដោយសារគ្រោះធម្មជាតិ ខ្យល់កន្រ្ទាក់ កាលពីវេលាម៉ោងប្រមាណ៥ទៀបភ្លឺ ថ្ងៃទី៤ ខែតុលា ឆ្នាំ២០១៨ ស្ថិតក្នុងភូមិទួលរគាំង ឃុំអូរប៉ោង ស្រុកបាកាន ខេត្តពោធិ៍សាត់។
ប្រភពព័ត៌មានជាបឋមពីអាជ្ញាធរមានសមត្តកិច្ចបានឲ្យដឹងថា នៅវេលាម៉ោងខាងលើ មានធ្លាក់ភ្លៀងមួយមេធំលាយឡំទៅដោយផ្គររន្ទះ និងខ្យល់កន្រ្ទាក់បោកបក់យ៉ាងខ្លាំងក្លា បណ្ដាលឲ្យរបើកដំបូល និងដួលរលំផ្ទះសម្បែងរបស់ប្រជាពលរដ្ឋចំនួន ៧ខ្នង ក្នុងនោះ ក៏មានរងរបួសមនុស្សស្រីចំនួន ៣នាក់ផងដែរ ។
ប្រភពព័ត៌មានដដែលខាងលើបន្តទៀតថា ករណីគ្រោះធម្មជាតិបណ្ដាលឲ្យមានរងការខូចខាតរបើកដំបូល និងដួលរលំផ្ទះសម្បែងរបស់ប្រជាពលរដ្ឋ ។ មន្រ្តីជំនាញគ្រោះមហន្តរាយណ៍កំពុងញាប់ដៃញាប់ជើង ចុះសហការជាមួយអាជ្ញាធរមានសមត្ថកិច្ចមូលដ្ឋាន ដើម្បីស្រាវជ្រាវ និងជួយសំរួលដល់ពួកគាត់ ៕ ប៉ឹម ពិន
